სიახლეების გამოწერა

  3 მაისს ქალაქ თეთრიწყაროში შიდა ქუჩების და სოფელ ახალშენში მისასვლელი გზის მიმდინარე სარეაბილიტაციო სამუშაოები მოინახულეს ქვემო ქართლში სახელმწიფო რწმუნებულმა-გუბერნატორმა გრიგოლ ნემსაძემ, თეთრიწყაროს მუნიციპალიტეტის მერმა გიორგი ქორიძემ, საკრებულოს თავმჯდომარემ გოჩა თედორაძემ და მერის მოადგილეებმა.

  17 აპრილს ქალაქ თეთრიწყაროში დაიწყო დუმბაძის ქუჩის, დუმბაძის ქუჩის I ჩიხის, ჯავახიშვილის ქუჩის დარჩენილი ნაწილის და ჩიხის სარეაბილიტაციო სამუშაოები. პროექტის დასრულება ხელშეკრულებით გათვალისწინებულია 2018 წლის 16 ივლისს, სამუშაოებს აწარმოებს ტენდერში გამარჯვებული კომპანია „როუდ სოლუშენს“. პროექტის დასრულების შემდგომ ახალი საავტომობილო გზით ისარგებლებს 135 ბენეფიციარი. ჯამში მოასფალტდება 904 გრძ/მ საავტომობილო გზა, პროექტების სახელშეკრულებო ღირებულება შეადგენს: 305 110 ლარს.