სიახლეების გამოწერა

  2 მაისს თეთრიწყაროს მუნიციპალიტეტის მერიაში, არასამთავრობო ორგანიზაციის CENN პროექტების „წყალი სიღარიბის აღმოსაფხვრელად“ და „საქართველოს WASH (წყალი, სანიტარია და ჰიგიენა) სათემო ინიციატივის“ ფარგლებში, სამუშაო შეხვედრა გაიმართა. ორგანიზაცია CENN -ის წარმომადგენლებმა მარიკო წიქარიძემ და ვახო ქოჩორაძემ შეხვედრის მონაწილეებს გააცნეს პროექტების მიზნები და განიხილეს თეთრიწყაროს მუნიციპალიტეტის სოფელ გოლთეთსა და სოფელ წინწყაროს საჯარო სკოლებში და საბავშვო ბაღებში სასმელი წყლის სანიტარულ-ჰიგიენურ მდგომარეობასთან დაკავშირებით, WASH ტექნიკური შეფასების ანგარიში.

   შეხვედრის ფარგლებში განისაზღვრა ორივე სოფელში სასმელ წყალთან დაკავშირებული პრიორიტეტული საჭიროებები და თანამონაწილეობრივი მიდგომის გზით, ჩამოყალიბდა თეთრიწყაროს მუნიციპალიტეტის WASH საბჭო, რომლის შემადგენლობაშიც ადგილობრივი თვითმმართველობის წარმომადგენლებთან ერთად შედიან ადგილობრივი მოსახლეობა და სხვა დაინტერესებული მხარეების წარმომადგენლები.

  პროექტის მიზანია, სასმელ წყალთან ხელმისაწვდომობის უზრუნველყოფა და WASH სტანდარტების დამკვიდრება დაინტერესებული მხარეების ჩართულობის გზით, სოციალურად დაუცველი, მრავალეთნიკური თემების მოსახლეობის ჯანმრთელობის დაცვისა და საცხოვრებელი პირობების გაუმჯობესების ხელშეწყობა.

   შეხვედრას ესწრებოდნენ: თეთრიწყაროს მუნიციპალიტეტის მერი გიორგი ქორიძე, მერის მოადგილეები, გაერთიანებული წყალმომარაგების კომპანიის რეგიონული და ადგილობრივი ოფისის ხელმძღვანელები, ორგანიზაცია RDFG-ის წარმომადგენლები ააიპ „თეთრიწყარო წყალი“, ააიპ „საზოგადოებრივი ჯანდაცვის ცენტრი“, ააიპ „სკოლამდელი აღზრდის ცენტრი“-ს დირექტორები, გოლთეთის და წინწყაროს საგანმანათლებლო დაწესებულებების წარმომადგენლები