სიახლეების გამოწერა

  1 მაისს ქ.თეთრიწყაროს №1 საჯარო სკოლაში, ქვემო ქართლის რეგიონალური კონკურსის ,,კალიგრაფიის მარგალიტები“ ფარგლებში, ჩატარდა დასკვნითი ტურის წინა საინფორმაციო შეხვედრა/მასტერკლასი. კონკურსში აქტიურად იყვნენ ჩართული მუნიციპალიტეტის სხვადასხვა საჯარო სკოლების მოსწავლეები. აღსანიშნავია, რომ კონკურსის დასკვნით ეტაპზე, რომელიც ქ.თეთრიწყაროში გაიმართება, მუნიციპალიტეტს წარმოადგენს ქ.თეთრიწყაროს №1 საჯარო სკოლის 4 მოსწავლე.

   პროექტის მიზანია, კალიგრაფიის ხელოვნების პოპულარიზაცია, მოსწავლეთათვის ტრადიციული ქართული კალიგრაფიის გაცნობა, ქართული კალიგრაფიის და ლიტერატურისადმი ინტერესის გაღვივება; ეროვნული უმცირესობების ქართულ დამწერლობასთან, ენასთან, კულტურასთან და საზოგადოებასთან ინტეგრირების ხელშეწყობა. ქვემო ქართლის რეგიონში მცხოვრები ახალგაზრდების დამეგობრება და ახალგაზრდების შემოქმედებითი უნარების კონკურენტულ პირობებში წარმოჩენა და განვითარება;

  კონკურსის გამარჯვებულებს ჟიური გამოავლენს სამივე ტურის შედეგების გათვალისწინებით. სამივე საკონკურსო ჯგუფიდან გამოვლინდებიან და დაჯილდოვდებიან I, II და III ადგილებზე გასული კონკურსანტები. პროექტის ორგანიზატორია ქვემო ქართლში სახელმწიფო რწმუნებულის-გუბერნატორის ადმინისტრაცია და რუსთავის სკოლა „ლაზარე“.