სიახლეების გამოწერა

   საქართველოს განათლებისა და მეცნიერების სამინისტროს სსიპ ,,ბავშვთა და ახალგაზრდობის ეროვნული ცენტრის“ პროექტის ,,სპორტი ბარიერების გარეშე“, ფარგლებში, 28-29 აპრილს სოფელ ხაიშსა და ქალაქ თეთრიწყაროში ჩატარდა მუნიციპალური შეჯიბრებები კალათბურთში, ჭადრაკში, სირბილსა და ფეხბურთში.

   აღსანიშნავია, რომ კალათბურთის მუნიციპალურ ტურში პირველობა მოიპოვეს მანგლისის №1 საჯარო სკოლის გოგონათა და ვაჟთა გუნდებმა. ჭადრაკის მუნიციპალურ ტურში პირველობა სოფელ ხაიშის და ქალაქ თეთრიწყაროს №2 საჯარო სკოლის მოსწავლეებმა გაინაწილეს.ასევე პირველობა მოიპოვა სოფელ ხაიშის საჯარო სკოლამ ფეხბურთსა და სირბილში გოგონებს შორის, ხოლო სირბილში ვაჟებს შორის, პირველობა მოიპოვა სოფელ დიდგორის საჯარო სკოლის მოსწავლემ.სპორტულ თამაშებში მოსწავლეები მუნიციპალიტეტის 19 საჯარო სკოლიდან მონაწილეობდნენ.

  პროექტი ხორციელდება პროგრამა ,,ახალგაზრდული ფესტივალი 2018-ის“ სახელმწიფო ახალგაზრდული პოლიტიკის ძირითად მიმართულებათა შესაბამისად, რომელიც მიზნად ისახავს მასობრივ სპორტულ ღონისძიებებში მოზარდების ჩართვით ცხოვრების ჯანსაღი წესის პოპულარიზაციას.