სიახლეების გამოწერა

 26 აპრილს მერიაში გამართულ შეხვედრაზე, თეთრიწყაროს მუნიციპალიტეტში ტურიზმის საშუალოვადიანი განვითარების დოკუმენტის პირველადი ვერსია განიხილეს. შეხვედრის ფარგლებში, სამუშაო ჯგუფის წევრებმა იმსჯელეს მუნიციპალიტეტში ტურიზმის დარგში არსებული მდგომარეობის შესახებ და განიხილეს პრიორიტეტული აქტივობები, რომელიც შემდგომ ასახული იქნება სტრატეგიის დოკუმენტში.

   როგორც ცნობილია, თეთრიწყაროს მუნიციპალიტეტი თავისი ისტორიით, მრავალფეროვნებით, კულტურული და ბუნებრივი მემკვიდრეობით, ბუნებრივ-კლიმატური პირობებით გამორჩეული მხარეა. არსებული რესურსების გათვალისწინებით, ადგილობრივი თვითმმართველობისათვის ტურიზმის განვითარება ერთ-ერთ მთავარ პრიორიტეტს წარმოადგენს. განვითარების სტრატეგიით გათვალისწინებული თანმიმდევრული ღონისძიებების განხორციელების შემთხვევაში, მუნიციპალიტეტში შესაძლებელია ტურიზმის დარგის მდგრადი განვითარება, ტურისტების მოზიდვა, რაც ხელს შეუწყობს თეთრიწყაროს პოპულარიზაციას და მოსახლეობის სოციალურ-ეკონომიკური მდგომარეობის გაუმჯობესებას.

   სტრატეგიის დოკუმენტზე მუშაობის დასრულების შემდგომ, მოხდება საჯარო განხილვა და საბოლოო ვერსიას დაამტკიცებს მუნიციპალიტეტის საკრებულო.