სიახლეების გამოწერა

  4 აპრილს თეთრიწყაროს მუნიციპალიტეტის მერიაში აზიურ ფაროსანასთან ბრძოლის ღონისძიებების შესახებ ტრენინგი გაიმართა. სურსათის ეროვნული სააგენტოს მცენარეთა დაცვის დეპარტამენტის უფროსმა სპეციალისტმა ხათუნა გოცირიძემ და სააგენტოს სამეცნიერო-კვლევითი ცენტრის მცენარეთა დაცვის დეპარტამენტის უფროსმა ზურაბ ხიდაშელმა შეხვედრის მონაწილეებს მიაწოდეს ინფორმაცია საცხოვრებელ სახლებსა და შენობებში, სასოფლო-სამეურნეო და საკარმიდამო მიწის ნაკვეთებში მავნებელთან ბრძოლის მექანიკური მეთოდების, ქიმური ღონისძიებების, ბიოლოგიური ინსექტიციდების და სხვა ალტერნატიული მეთოდების გამოყენების შესახებ, აგრეთვე განიხილეს უსაფრთხოების ზოგადი წესები მავნებელ მწერთან ბრძოლისას.

 შეხვედრის დასასრულს გაიმართა დისკუსია და დაისვა კითხვები საკითხთან დაკავშირებით. მერის წარმომადგენლებს მავნებელთან ბრძოლის მეთოდებზე, მოსახლეობის მაქსიმალური ინფორმირების რეკომენდაცია მიეცათ. 

  შეხვედრას სურსათის ეროვნული სააგენტოს წარმომადგენლებთან ერთად ესწრებოდნენ: თეთრიწყაროს მუნიციპალიტეტის საკრებულოს წევრები და მერიის თანამშრომლები, ადმინისტრაციულ ერთეულებში მერის წარმომადგენლები, თეთრიწყაროს საინფორმაციო-საკონსულტაციო სამსახურის წარმომადგენლები.