სიახლეების გამოწერა

  3 აპრილს თეთრიწყაროს მუნიციპალიტეტის მერის მოადგილეები მალხაზ სამაშვილი, ლია ზურებიანი და მერიის შესაბამისი სამსახურის თანამშრომლები, ასოციაცია "RDFG - სამხარეო განვითარება მომავალი საქართველოსთვის" ოფისში, გაეროს სურსათისა და სოფლის მეურნეობის ორგანიზაციის (FAO) წარმომადგენლებს: მეთიუ რუვიერს და რუსუდან ქობალიას შეხვდნენ და განიხილეს სოფლის მეურნეობისა და სოფლად განვითარების ევროპის სამეზობლო პროგრამის (ENPARD) III ფაზის სტრატეგიული მიმართულებები. (FAO)-ს წარმომადგენლები გაეცნენ მუნიციპალიტეტში სოფლის მეურნეობის განვითარების კუთხით არსებულ ვითარებას და იმსჯელეს თეთრიწყაროს მუნიციპალიტეტის ეკონომიკური განვითარების პერსპექტივებზე. 

  სოფლის მეურნეობისა და სოფლად განვითარების ევროპის სამეზობლო პროგრამა (ENPARD III), რომელიც ევროკავშირის მხარდაჭერით გაერო-ს სურსათისა და სოფლის მეურნეობის ორგანიზაციის (FAO) მიერ ხორციელდება, ორიენტირებულია საქართველოში სოფლის მეურნეობის განვითარებაზე. 

  მესამე ფაზის ფარგლებში გათვალისწინებულია: სოფლად დასაქმებისა და საცხოვრებელი პირობების გაუმჯობესება; სოფლის ეკონომიკური აქტივობების დივერსიფიკაციისთვის პროგრამების განხორციელების ხელშეწყობა, მომსახურების გაუმჯობესების ხელშეწყობა, ასევე, ბუნებრივი რესურსებისა და კულტურული მემკვიდრეობის დაცვა და განმტკიცება. 

  (ENPARD) III ფაზა საქართველოს სხვადასხვა მუნიციპალიტეტებში და მათ შორის თეთრიწყაროს მუნიციპალიტეტშიც, 2018-2021 წლებში განხორციელდება.