სიახლეების გამოწერა

  თეთრიწყაროს მუნიციპალიტეტის მერიაში პროექტის „საქართველოში მზის ენერგიის ტექნოლოგიების გამოყენებასთან დაკავშირებით ლიტვური ცოდნისა და გამოცდილების ტრანსფერის“ წარმომადგენლებმა მერიის თანამშრომლებთან შეხვედრა გამართეს. 

  პროექტის ფარგლებში ლიტვურმა კომპანიამ თეთრიწყაროს მუნიციპალიტეტის მერიის ადმინისტრაციულ და ასურეთის საბავშვო ბაღის შენობებზე მზის ენერგიაზე მომუშავე პანელები დაამონტაჟეს, რომელიც უზრუნლყოფს დამატებითი ელექტროენერგიის გამომუშავებას. პროექტის მიზანია ლიტვური მზის ტექნოლოგიების უსასყიდლო გადაცემა ქართული მხარისათვის, მათი დამონტაჟება სახელმწიფო მუნიციპალურ შენობებზე და შესაბამისი ტექნიკური ცოდნისა და გამოცდილების გაზიარება პროექტის ბენეფიციარებისათვის.

  პროექტი ხორციელდება ლიტვური კომპანიის - „Saulės grąža“-ს ინიციატივითა და „აგორა ქეარის“ აქტიური მხარდაჭერით. იგი დაფინანსებულია ლიტვის რესპუბლიკის გარემოს დაცვის სამინისტროს მიერ და წარმოადგენს კლიმატის ცვლილების სპეციალური პროგრამის ნაწილს. შეხვედრას ესწრებოდნენ თეთრიწყაროს მუნიციპალიტეტის მერის პირველი მოადგილე მალხაზ სამაშვილი და მერიის თანამშრომლები.