სიახლეების გამოწერა

  თეთრიწყაროს მუნიციპალიტეტის მომავალი წლის პრიორიტეტების დოკუმენტის შემუშავების მიზნით, 28 მარტს თეთრიწყაროს მუნიციპალიტეტის მერიაში პირველი სამუშაო შეხვედრა გაიმართა. 

ადგილობრივი თვითმმართველობის მიერ ბიუჯეტის დაგეგმარების პროცესის გამჭვირვალობის და პრიორიტეტების განსაზღვრის ეფექტური მეთოდების შესახებ, შეხვედრის მონაწილეებს ინფორმაცია მიაწოდა მოწვეულმა ექსპერტმა - საქართველოს ადგილობრივი თვითმმართველი ერთეულების ფინანსისტთა ასოციაციის ხელმძღვანელმა დავით ხოსრუაშვილმა.

 თეთრიწყაროს მუნიციპალიტეტის მომავალი წლის პრიორიტეტების დოკუმენტის შემუშავება მოხდება ყველა დასახლებულ პუნქტში ადგილობრივი მოსახლეობის გამოკითხვის გზით, რომლიც საფუძველზეც განისაზღვრება პრიორიტეტები თითოეული დასახლებული პუნქტის დონეზე.

ადგილობრივი თვითმმართველი ერთეულის პრიორიტეტების დოკუმენტი არის ადმინისტრაციული ერთეულების განვითარების ძირითადი გეგმა, რომელიც ასახავს ინფორმაციას საშუალოვადიანი სამოქმედო გეგმების შესახებ. დოკუმენტის მომზადების მიზნით, ადგილობრივი თვითმმართველობის აღმასრულებელი ორგანო ყოველი წლის 1 მარტიდან იწყებს მუშაობას, რისთვისაც მუნიციპალიტეტის მერის ბრძანებით განისაზღვრა სამუშაო ჯგუფის შემადგენლობა, პრიორიტეტების შედგენისათვის წარსადგენი ინფორმაციის ნუსხა და წარდგენის ვადები. სამუშაო ჯგუფის შემადგენლობაში თვითმმართველობის ორგანოების წარმომადგენლებთან ერთად შედიან მერის სათათბირო ორგანოს - სამოქალაქო მრჩეველთა საბჭოს წევრები. 

მერიამ მომავალი წლის პრიორიტეტებზე მუშაობა დაიწყო