სიახლეების გამოწერა

19 მარტს ქალაქ თეთრიწყაროს №1 საჯარო სკოლაში ეროვნული ინტელექტ-ჩემპიონატი „ეტალონი“ ჩატარდა, რომელშიც თეთრიწყაროს მუნიციპალიტეტის 28 სკოლიდან 75 მოსწავლე იყო ჩართული. 

პირველი ადგილი სოფელ კოდის საჯარო სკოლის მეთერთმეტე კლასის მოსწავლემ ნინო ახუაშვილმა მოიპოვა, მეორე ადგილი სოფელ ერტისის საჯარო სკოლის მეათე კლასის მოსწავლემ ლიანა წიქარიძემ, ხოლო მესამე ადგილი დაბა მანგლისის №1 საჯარო სკოლის მეათე კლასის მოსწავლემ გიორგი ადამაშვილმა მოიპოვა. დღევანდელ შეჯიბრში გამარჯვებულს „თეთრიწყაროს ეტალონი მოსწავლის“ ტიტული მიენიჭა და ის ეროვნული ინტელექტ-ჩემპიონატის გრანდიოზულ ფინალში მიიღებს მონაწილეობას. 

გიორგი ქორიძემ ჩემპიონატის დაწყებამდე მოსწავლეებს წარმატებები უსურვა და პირველ სამ ადგილზე გასულ მოსწავლეებს, ასევე 2016-2017 სასწავლო წლის თეთრიწყაროს ეტალონ მოსწავლეს - მარიამ ყულიაშვილს საჩუქრად „ვეფხისტყაოსანი“ გადასცა.

ღონისძიებას თეთრიწყაროს მუნიციპალიტეტის მერი გიორგი ქორიძე და მერიის წარმომადგენლები, რესურსცენტრის უფროსი გულნაზი აფციაური, სკოლის დირექტორები, პედაგოგები, მოსწავლეები და მათი მშობლები ესწრებოდნენ. 

თეთრიწყაროში ეროვნული ინტელექტ-ჩემპიონატი „ეტალონი“ ჩატარდა