სიახლეების გამოწერა

თეთრიწყაროს მუნიციპალიტეტის გამგებლის ბესიკ წიკლაურის ინიციატივით 2015 წლის თებერვალში თეთრიწყაროს მუნიციპალიტეტის გამგეობასა და საქართველოს ფოლკლორის სახელმწიფო ცენტრს შორის გაფორმდა ურთიერთთანამშრომლობის მემორანდუმი და საგრანტო ხელშეკრულება, რომლის საფუძველზეც ქ. თეთრიწყაროში ამოქმედდა სალოტბარო სკოლა.

სკოლაში თეთრიწყაროს მუნიციპალიტეტში მცხოვრები ახალგაზრდები სპეციალურად შემუშავებული პროგრამით, უფასოდ ეუფლებიან ქართულ ხალხურ ტრადიციულ გალობას და ხალხურ სიმღერას. სალოტბარო სკოლაში შემოქმედებით და პედაგოგიურ საქმიანობას ეწევიან სპეციალისტები: ლოტბარი - გურამ კვასტიანი, რეგენტი - თორნიკე კანდელაკი და სოლფეჯიო - ნინო ბიბილური. ამჟამად თეთრიწყაროს სალოტბარო სკოლაში სწავლობს 25 მოზარდი, პერიოდულად მიმდინარეობს ახალი მსმენელების მიღება. სალოტბარო სკოლის მოსწავლეები აქტიურად იღებენ მონაწილეობას როგორც ადგილობრივ, ასევე, ცენტრის მიერ ორგანიზებულ ღონისძიებებსა და ფესტივალებში. მუნიციპალიტეტის გამგეობა აქტიურად უჭერს მხარს ქართული ფოლკლორის პოპულარიზაციას და თანადგომას უცხადებს საქართველოს ფოლკლორის სახელმწიფო ცენტრის თეთრიწყაროს წარმომადგენლობას სასიკეთო მიზნების განხორციელებაში, რომელიც ემსახურება ქართული ხალხური შემოქმედების შენარჩუნებას და განვითარებას.
წარმატებებს ვუსურვებთ საქართველოს ფოლკლორის სახელმწიფო ცენტრის ხელმძღვანელობას და პედაგოგებს შემოქმედებით საქმიანობაში.