სიახლეების გამოწერა

   28 სექტემბერს სოხუმის დაცემის დღესთან დაკავშირებით, ა.ა.ი.პ „თეთრიწყაროს კულტურისა და საბიბლიოთეკო დაწესებულებების გაერთიანება - კულტურის ცენტრის“ ორგანიზებით ცენტრთან არსებულმა თეატრალურმა სტუდია "გარისმა" წარმოადგინა სპექტაკლი "ტრაგედიის აჩრდილები" (სცენარის ავტორი ტატა ახალაია), რომელიც აფხაზეთის ომის ტრაგიკული მოვლენების გახსენებას, ქართულ-აფხაზური მეგობრობისა და სიყვარულის მარადიულობას მიეძღვნა. 
☑️☑️ ჩვენებას ესწრებოდნენ: მანგლისისა და თეთრიწყაროს მიტროპოლიტი მეუფე ანანია ჯაფარიძე ეპარქიის სამღვდელოებასთან ერთად, თეთრიწყაროს მაჟორიტარი დეპუტატი გოდერძი ჩანქსელიანი, აფხაზეთის ომში გარდაცვლილი მებრძოლების ოჯახის წევრები, მუნიციპალიტეტის გამგეობისა და საკრებულოს თანამშრომლები.