სიახლეების გამოწერა

25 ივლისს მანგლისის ცენტრალურ პარკში მიწის სისტემური რეგისტრაციის საპილოტე პროექტის დაწყებისადმი მიძღვნილი ფორუმი გაიმართა. დაბა მანგლისი პირველია იმ დასახლებათაგან, რომელიც საპილოტო პროექტისთვის გეოგრაფიული მრავალფეროვნების გათვალისწინებით იქნა შერჩეული. საპილოტე პროექტი 12 დასახლებაში განხორციელდება, სადაც სისტემური წესით აღიწერება და დარეგისტრირდება კერძო, სახელმწიფო და მუნიციპალიტეტში არსებული მიწის ნაკვეთები, შეიქმნება მონაცემთა ერთიანი ბაზა და სხვ.

ფორუმზე ერეკლე კუხიანიძემ სიტყვით მიმართა მოწვეულ სტუმრებს და პროექტის დადებით მხარეებზე ისაუბრა.

სპეციალურად მოწყობილ პავილიონებში მოსახლეობას სისტემური რეგისტრაციის საპილოტო პროექტთან მიმართებაში საკუთარი პროგრამები და საქმიანობები სოფლის მეურნეობის სამინისტროს ირიგაციის პროექტის კომპონენტის, სოფლის მეურნეობის პროექტების მართვის სააგენტოს, სასოფლო-სამეურნეო კოოპერატივების განვითარების სააგენტოს, გარემოს დაცვის სამინისტროს, შემოსავლების სამსახურის, სახელმწიფო სერვისების განვითარების სააგენტოს, პროექტის: „აწარმოე საქართველოში“, გაერთიანებული წყალმომარაგების კომპანიის და სხვა ორგანიზაციების წარმომადგენლებმა გააცნეს.