სიახლეების გამოწერა

   2017 წლის 11 ივლისს თეთრიწყაროს მუნიციპალიტეტის გამგებლის მოვალეობის შემსრულებელი ერეკლე კუხიანიძე გამგეობის თანამშრომლებთან ერთად სოფელ ჯორჯიაშვილის მოსახლეობას შეხვდა. მოსახლების ძირითად პრობლემას სასმელი წყლის უქონლობა წარმოადგენს, გამგებელმა მოსახლეობასთან ერთად იმსჯელა წყლის მოძიების სხვადასხვა გზებზე.

  ერეკლე კუხიანიძემ მოსახლეობას მიაწოდა ინფორმაცია გამგებლის სათათბირო ორგანოს მრჩეველთა საბჭოს შესახებ,რომლის მიზანია ადგილობრივი თვითმმართველობის ორგანოების საქმიანობისა და თვითმმართველობის განხორციელებაში მოქალაქეთა მონაწილეობის ხელშეწყობა, წინადადებებისა და რეკომენდაციების შემუშავების გზით.საბჭოს შემადგენლობის შერჩევის პროცესში მნიშვნელოვანია საბჭოს შემადგენლობა გამგებელს მოსახლეობამ არჩევნების შედეგად წარმოუდგინოს.