სიახლეების გამოწერა

19 ივნისს თეთრიწყაროს მუნიციპალიტეტის გამგებლის მოვალეობის შემსრულებელი ერეკლე კუხიანიძე სოფელ ქოსალარისა და წინწყაროს მოსახლეობას შეხვდა. ამ ეტაპზე მოსახლეობის ძირითად პრობლემას სოფლების შიდა გზები წარმოადგენს. ერეკლე კუხიანიძე ადგილზე გაეცნო მოსახლეობის პრობლემებს და ამომწურავი პასუხები გასცა მათ მიერ დასმულ შეკითხვებს, ასევე მიაწოდა ინფორმაცია გამგებლის მრჩეველთა საბჭოს გადახალისების შესახებ და აღნიშნა, რომ საბჭოს შემადგენლობის შერჩევის პროცესში მნიშვნელოვანია საბჭოს შემადგენლობა გამგებელს თვითონ წარუდგინოს მოსახლეობამ. ერეკლე კუხიანიძემ გადაწყვეტილების მიღების პროცესში მოსახლეობის აქტიური ჩართულობის აუცილებლობაზე გაამახვილა ყურადღება: „ჩვენს მთავარ ამოცანას წარმოადგენს პრიორიტეტების დასახვის პროცესში მოსახლეობა მაქსიმალურად იყოს ჩართული და თითოეულ მოქალაქეს ჰქონდეს განცდა იმისა, რომ თვითონ მართავს თავის რაიონს და იღებს მონაწილეობას მნიშვნელოვანი საკითხების განხილვასა და გადაწყვეტაში“.