სიახლეების გამოწერა

საქართველოს კულტურისა და ძეგლთა დაცვის სამინისტროს ინიციატივით, 27 მაისს, აქცია - „ღამე მუზეუმში“ მოეწყო.  აღნიშნულთან დაკავშირებით    ა.(ა).ი.პ ,,თეთრიწყაროს მხარეთმცოდნეობის მუზეუმ”- მა დამთვალიერებელს სრულიად უფასოდ უმასპინძლა.

ღონისძიების ფარგლებში განხორციელდა  სხვადასხვა სახის  კულტურულ- შემეცნებითი აქტივობები, რომლებიც დილის 12:00 საათზე დაიწყო და 22:00 საათზე დასრულდა. სტუმრებს შესაძლებლობა მიეცათ უფასოდ დაეთვალიერებინათ  გამოფენები მუზეუმის კოლექციებიდან, მოესმინათ  მოხსენებები სხვადასხვა საინტერესო თემაზე და გაცნობოდნენ  ჩვენი მხარის მრავალფეროვან კულტურასა და ისტორიას.
 „მუზეუმი საუბრობს უთქმელზე“ თემის ფარგლებში გაშუქდა საქართველოს სხვადასხვა კუთხიდან იძულებით გადაადგილებულ პირთა განსახლება თეთრიწყაროს მუნიციპალიტეტის ტერიტორიებზე.მოეწყო ა.(ა).ი.პ „თეთრიწყაროს მუნიციპალიტეტის სახელოვნებო სკოლის“ , ტურიზმის კუთხე -ფოტო გამოფენა თეთრიწყაროს მუნიციპალიტეტის ტურისტული მარშუტების გაცნობა, ხატვის, ძერწვის, არქეოლოგიის კუთხეები, ასევე მუნიციპალიტეტში მცხოვრები საქართველოს სხვადასხვა კუთხის შვილების და აქ მცხოვრები ეთნიკური ჯგუფების კულტურის წარმოსაჩენი და შოთა რუსთაველის საიუბილეო წლისადმი მიძღვნილი საგამოფენო კუთხე.

„თეთრიწყაროს მხარეთმცოდნეობის მუზეუმ“-ს   სტუმრობდა თეთრიწყაროს მუნიციპალიტეტის გამგებლის მოვალეობის შემსრულებელი ერეკლე კუხიანიძე.