სიახლეების გამოწერა

26 მაისს ქალაქ თეთრიწყაროს კულტურისა და დასვენების პარკში საქართველოს სახელმწიფოებრივი დამოუკიდებლობის დღისადმი მიძღვნილი ღონისძიება გაიმართა.ღონისძიების დასაწყისს ა.(ა).ი.პ. ,,თეთრიწყაროს მხარეთმცოდნეობის მუზეუმის“ მიერ მოეწყო გამოჩენილი ქართველი პოეტის შოთა რუსთაველის 850-ე წლის იუბილესადმი მიძღვნილი გამოფენა „მე რუსთაველის ქვეყნიდან ვარ“ გამოფენის ფარგლებში „ვეფხისტყაოსნის“ გადაწერა მიმდინარეობდა ყველა მსურველისათვის შესაძლებელი იყო ხელნაწერ წიგნში ერთი სტროფის სიმბოლურად გადაწერა. ა.(ა).ი.პ. ,,თეთრიწყაროს მუნიციპალიტეტის სახელოვნებო სკოლა“-მ წარმოადგინა სახვითი და გამოყენებითი ხელოვნების სხვადასხვა დარგის (ფერწერა, ქანდაკება, ქსოვა, ქარგვა, კერამიკა და სხვ.) ნიმუშები. მაყურებლის წინაშე პატრიოტულ თემაზე შექმნილი სიმღერებით, ლექსებით და საცეკვაო ნომრებით წარსდგნენ ა.(ა).ი.პ. ,,თეთრიწყაროს მუნიციპალიტეტის კულტურისა და საბიბლიოთეკო დაწესებულებების გაერთიანება - კულტურის ცენტრი“-თან არსებული შემოქმედებითი ჯგუფები.26 მაისს დამოუკიდებლობის დღისადმი მიძღვნილი ღონისძიება .(ა).ი.პ. ,,თეთრიწყაროს სპორტული სკოლის“ მიერ ჭადრაკში გამართული შეჯიბრით გაგრძელდა, ხოლო ღონისძიების დასასრულს გაიმართა ტურნირი მინი ფეხბურთში, რომელშიც მონაწილეობდნენ თეთრიწყაროს მუნიციპალიტეტის ორგანიზაციების თანამშრომლები. ღონისძიებას ესწრებოდნენ ქვემო ქართლში სახელმწიფო რწმუნებულ-გუბერნატორის ადმინისტრაციის აპარატის უფროსის მოადგილე ლევან ჟვანია, რეგიონული პროექტების კოორდინირების სამსახურის უფროსი ლაშა ლობჯანიძე, თეთრიწყაროს მუნიციპალიტეტის გამგებლის მოვალეობის შემსრულებელი ერეკლე კუხიანიძე, თეთრიწყაროს მუნიციპლაიტეტის გამგებლის მოადგილე ლია ზურებიანი, თეთრიწყაროს მუნიციპალიტეტის სხვა თანამშრომლები და ადგილობრივი მოსახლეობა