სიახლეების გამოწერა

18 მაისს თეთრიწყაროს მუნიციპალიტეტის გამგებლის მოვალეობის შემსრულებელი ერეკლე კუხიანიძე ე.წ ვარხუნოს დასახლებაში ადგილობრივ მოსახლეობას შეხვდა. აღნიშნული დასახლების ძირითად პრობლემას სასმელი წყლის დაზიანებული ქსელი წარმოადგენს,რომელიც ვერ უზრუნველყოფს დასახლების წყლით მომარაგებას, ერეკლე კუხიანიძე ადგილზე გაეცნო მოსახლეობის პრობლემებს და ე.წ (წყაროს) წყლის ქსელის აღდგენა-რეაბილიტაციას შეპირდა.
გამგებლის მოვალეობის შემსრულებელმა მოსახლეობას აქტიურობისკენ და მაქსიმალური ჩართულობისკენ მოუწოდა ამასთანავე მიაწოდა ინფორმაცია გამგებლის მრჩეველთა საბჭოს გადახალისების შესახებ და აღნიშნა, რომ საბჭოს შემადგენლობის შერჩევის პროცესში მნიშვნელოვანია საბჭოს შემადგენლობა გამგებელს თვითონ წარუდგინოს მოსახლეობამ.ეს მექანიზმი ხელს შეუწყობს მაქსიმალურად იყოს დაცული მოქალაქეების ინტერესები.