სიახლეების გამოწერა

2 მაისს თეთრიწყაროს მუნიციპალიტეტის  გამგებლის მოვალეობის შემსრულებელი ერეკლე კუხიანიძე,  საკრებულოს თავმჯდომარის მოადგილე ავთანდილ მუხაშავრია და საქართველოს გაერთიანებული წყალმომარაგების კომპანიის თეთრიწყაროს სერვისცენტრის მენეჯერი სოსო პავლიაშვილი  ქ. თეთრიწყაროში მუსხელიშვილის და დემეტრე თავდადებულის ქუჩების  მაცხოვრებლებს შეხვდნენ და მოსახლეობასთან ერთად განიხილეს დაგეგმილი სარეაბლიტაციო სამუშაოები.

2016 წელს მოსახლეობის მოთხოვნის გათვალისწინებით მუნიციპალიტეტის გამგეობის მიერ მომზადდა აღნიშნული  ქუჩების რეაბილიტაციის პროექტი, ხოლო  სამუშაოების განხორციელება დაიგეგმა 2017 წელს

გზების რეაბილიტაციასთან ერთად მოსახლეობის  მოთხოვნას  წარმოადგენს საკანალიზაციო სისტემის მოწყობა. სოსო პავლიაშვილმა  განმარტა რომ ამ ეტაპზე კომპანიის მთავარ ამოცანას წყალმომარაგების გაუმჯობესება წარმოადგენს, ხოლო   2018 წლიდან იგეგმება ქ. თეთრიწყაროს  წყალარინების (კანალიზაციის) ინფრასტრუქტურის მოწყობა/რეაბილიტაციის საპროექტო სამუშაოების დაწყება.

  ერეკლე კუხიანიძემ გადაწყვეტილების მიღების პროცესში მოსახლეობის აქტიური ჩართულობის აუცილებლობაზე გაამახვილა ყურადღება: „ჩვენს მთავარ ამოცანას წარმოადგენს პრიორიტეტების დასახვის პროცესში მოსახლეობა მაქსიმალურად იყოს ჩართული და  თითოეულ მოქალაქეს ჰქონდეს განცდა იმისა, რომ თვითონ მართავს თავის რაიონს და იღებს მონაწილეობას მნიშვნელოვანი საკითხების განხილვასა და გადაწყვეტაში“ . ამასთანავე, მოსახლეობას მიაწოდა ინფორმაცია გამგებლის მრჩეველთა საბჭოს გადახალისების შესახებ  და აღნიშნა, რომ საბჭოს შემადგენლობის შერჩევის პროცესში მნიშვნელოვანია საბჭოს შემადგენლობა გამგებელს  თვითონ წარუდგინოს  მოსახლეობამ.