სიახლეების გამოწერა

22 აპრილს მთელს მსოფლიოში დედამიწის დღე აღინიშნება.  მსოფლიოში ერთ-ერთი ყველაზე მასშტაბურ გარემოს დაცვით ღონისძიებას თეთრიწყაროს მუნიციპალიტეტიც შეუერთდა და დედამიწის დაცვის საერთაშორისო დღესთან დაკავშირებით, ქალაქ თეთრიწყაროში დასუფთავების მასშტაბური აქცია გაიმართა. თეთრიწყაროს გამგეობის და შპს „თეთრიწყაროს დასუფთავებისა და კეთილმოწყობის სამსახურის“ თანამშრომლების, ალგეთის ეროვნული პარკის ადმინისტრაციის წარმომადგენლების, მოხალისეების და თეთრიწყაროს #1, #2 საჯარო სკოლის მოსწავლეების მონაწილეობით საყოფაცხოვრებო ნარჩენებისაგან დასუფთავდა ე.წ. სამშვილდისტყე-პარკისტერიტორია.

აღნიშნულ ღონისძიებაში მსოფლიოს მასშტაბით ყოველ წელს 175 ქვეყნის 17 000-მდე ორგანიზაცია და მილიონობით მოხალისე მონაწილეობს. საქართველოს მწვანეთა მოძრაობის ინიციატივით, საქართველოში დედამიწის დღე 1990 წელს პირველად აღინიშნა და მას შემდეგ ყოველწლიურად ამ ღონისძიებას უერთდება მრავალი ორგანიზაცია და მოხალისე, რომლებიც ახორციელებენ სხვადასხვა ტიპის გარემოსდაცვით საქმიანობას მთელი ქვეყნის მასშტაბით.

ქვეყნის სისუფთავე ჩვენი პირადი პასუხისმგებლობაა!