სიახლეების გამოწერა

 დაბა მანგლისში საკანალიზაციო სისტემის მოწყობის სამუშაოები მიმდინარეობს. პროექტით გათვალისწინებულია თამარ მეფის, სტალინისა და დემეტრაშვილის ქუჩებზე კანალიზაციის ქსელის მონტაჟი, კოლექტორების და „BIOTAL”-ის გამწმებდი ნაგებობების მშენებლობა, რაც უზრუნველყოფს საყოფაცხოვრებო და სამეურნეო ჩამდინარე წყლების სრულ ბიოლოგიურ გაწმენდას. აღსანიშნავია, რომ დასახლების ერთ-ერთ პრიორიტეტს კანალიზაციის ინფრასტრუქტურის მოწყობა წარმოადგენდა, ვინაიდან დაბა მანგლისში ორგანიზებული კანალიზაციის ქსელი არ არსებობდა. პროექტის განხორციელების შედეგად ისარგებლებს დაბა მანგლისში მცხოვრები 1000 ოჯახი და დამსვენებლები. როგორც ცნობილია დაბა მანგლისი რეკრეაციულ ზონას განეკუთვნება. საკურორტო სეზონის გახსნიდან დახურვამდე არსებული სტატისტიკური მონაცემებით მანგლისს ყოველწლიურად დაახლოებით 10 000-მდე ვიზიტორი სტუმრობს, აღნიშნულის გათვალისწინებით ადგილობრივი ხელისუფლების ერთ-ერთ პრიორიტეტულ მიმართულებას წარმოადგენს დაბა მანგლისის როგორც კურორტის განვითარების ხელშეწყობა და შესაბამისი ინფრასტრუქტურის მოწყობა. პროექტის ღირებულება - 1 250 000 ლარი სახელმწიფო ბიუჯეტი - 1 187 500 ლარი ადგილობრივი ბიუჯეტი - 62 500 ლარი განხორციელების ვადები: 30.12.2016 – 18.07.2017 კონტრაქტორი კომპანია: შპს „ფუძე“