სიახლეების გამოწერა

უყურე ვიდეოს

ღონისძიება გაიმართა რუსთავის სახელმწიფო თეატრში, სადაც ქვემო ქართლის 6 რაიონის თეთრიწყაროს, მარნეულის, გარდაბანის, დმანისის, წალკის, ბოლნისის და ქალაქ რუსთავის ფოლკლორული და ქორეოგრაფიული ანსამბლები იღებდნენ მონაწილეობას.

თეთრიწყაროს რაიონს ანსამბლი „გუდარეხი“ წარმოადგენდა, რომელიც კულტურულ სფეროში მიღწეული წარმატებისთვის თეთრიწყაროს მუნიციპალიტეტმა დააჯილდოვა. ღონისძიება „საქართველო ჩემი სახლიას“ ფარგლებში განხორციელდა. საღამოს ორგანიზატორი სამოდელო სააგენტო „კატრინი“ იყო  რომელიც საქართველოს მასშტაბით ატარებს სილამაზისა და ტალანტის კონკურსანტებისთვის შესარჩევ ტურებს. თეატრის სცენაზე ცნობილი მომღერლები გამოვიდნენ. მოეწყო სამოდელო ჩვენება რომლეშიც მონაწილეობას იღებდა თინათინ ბაბლუანი. ბაბლუანი მალტაში 2013 წელს მის ევროპაზე „ვიცე პრინცესად“ დასახელდა. სამოდელო სააგენტო „კატრინის“ ხელმძღვანელმა ბაბლუანის მალტაში გამგზავრებისთვის თეთრიწყაროს მუნიციპალიტეტის გამგებლის მოვალეობის შემსრულებელს მამუკა ჩოქურს მადლობა გადაუხადა. ასევე მგალობლიშვილმა გამართული საღამოს მხარდაჭერისთვის მადლობა  ქვემო ქართლის რაიონის გამგებლებს და ქალაქ რუსთავის ადგილობრივ თვითმმართველობას გადაუხადა. ღონისძიებაში მონაწილე ყველა ანსამბლს რაიონის მუნიციპალიტეტისგან სიგელები გადაეცათ.