სიახლეების გამოწერა

22 თებერვალს, ქალაქ რუსთავის დრამატულ თეატრში მიკრო და მცირე მეწარმეობის ხელშეწყობის პროგრამის შესახებ პრეზენტაცია გაიმართა.

საინფორმაციო შეხვედრას უძღვებოდნენ ქვემო ქართლში სახელმწიფო რწმუნებულ-გუბერნატორი პაატა ხიზანაშვილი, საქართველოს ეკონომიკისა და მდგრადი განვითარების სამინისტროს მეწარმეობის განვითარების სააგენტოს ხელმძღვანელი ანა კვარაცხელია და მეწარმეობის განვითარების დეპარტამენტის უფროსი ოთარ ანთია. 
პრეზენტაციას ასევე ესწრებოდნენ: თეთრიწყაროს მუნიციპალიტეტის გამგეობის სოფლის მეურნეობის და ეკონომიკის განვითარების ხელშეწყობის სამსახურის უფროსი ვალერიან სუხიტაშვილი,ქვემო ქართლის რეგიონში შემავალი მუნიციპალიტეტების ხელმძღვანელი პირები, წარმატებული მეწარმეები და ა.შ. 
ღონისძიების ფარგლებში რეგიონის მცხოვრებლებმა და დაინტერესებულმა პირებმა დეტალური ინფორმაცია მიიღეს პროგრამაში ჩართვისა და განხორციელების ყველა ეტაპის შესახებ. აუდიტორიამ მათთვის საინტერესო კითხვებზე პასუხი რეგიონისა და სამინისტროს პირველი პირებისგან მიიღეს.
აღსანიშნავია, რომ მიმდინარე წლის 15 თებერვლიდან მთელი ქვეყნის მასშტაბით რეგიონის მოსახლეობას კვლავ შეუძლია წარადგინოს საკუთარი ბიზნეს იდეა ვებ-გვერდის მეშვეობით www.qartuli.ge და ჩაერთოს მიკრო და მცირე მეწარმეობის ხელშეწყობის პროგრამაში, რომელიც სახელმწიფოს მხრიდან 5 000 დან 15 000 ლარამდე თანადაფინანსების გაცემას გულისხმობს და წარმოადგენს ბიზნესის განვითარების კარგ შესაძლებლობას. ბიზნეს იდეის წარდგენა შესაძლებელია 2016 წლის 31 მარტამდე.
მსგავსი ტიპის საინფორმაციო შეხვედრები ერთი თვის განმავლობაში, ქვეყნის მასშტაბით ყველა რეგიონში ჩატარდება.