სიახლეების გამოწერა

სოფლის მეურნეობის სამინისტროს და „პროექტების მართვის სააგენტოს“ წარმომადგენლები რაიონის მუნიციპალიტეტის გამგეობის სამსახურებს და ტერიტორიული ორგანოების რწმუნებულებს  შეხვდნენ.

შეხვედრაზე 2014 წლის მცირემიწიან ფერმერთა საგაზაფხულო სამუშაოებისთვის ხელშეწყობის პროექტების განხორციელებაზე ისაუბრეს. სასოფლო-სამეურნეო ბარათების გაცემა წელს ორ ეტაპად განხორციელდება. სოფლის მეურნეობის პროექტების მართვის სააგენტომ მუნიციპალიტეტს  6538 ხვნის ბარათი გადასცა. მიმდინარე წლის საგაზაფხულო სამუშაოების ხელშეწყობის პროექტის ბენეფიციარები იქნებიან ფერმერები, რომელთაც საკუთრებაში სარგებლობაში ან ფაქტობრივ მფლობელობაში გააჩნიათ 0,25 -1,25ჰ-მდე მიწის ნაკვეთი. ხოლო 0-2500კვ-მდე ბენეფიციარები მიიღებენ პლასტიკურ ბარათებს, რომელზეც დარიცხული იქნება 50 ქულა. პლასტიკურ ბარათებს დაამზადებს ლიბერთი ბანკი საიდანაც ბენეფიციარები ბარათების აღებას შეძლებენ. მუნიციპალიტეტმა სასოფლო-სამეურნეო ბარათები დასარიგებლად ტერიტორიული ორგანოს რწმუნებულებს უკვე გადასცა.