სიახლეების გამოწერა

თეთრიწყაროს მუნიციპალიტეტის გამგეობაში სოფლის მეურნეობის სამინისტროს წარმომადგენლებმა მუშა შეხვედრა გამართეს.

სამინისტროს მიერ შექმნილი სასოფლო-სამეურნეო  კოოპერატივების განვითარების სააგენტოს უფროსის მოადგილემ კოტე ხუცაიძემ და სააგენტოს რეგისტრაციის სამსახურის უფროსმა ვაჟა ქადაგიძემ შეხვედრა თეთრიწყაროს მუნიციპალიტეტში გამგეობის სამსახურებთან, ტერიტორიული ორგანოს რწმუნებულებთან, სურსათის უვნებლობის სამსახურთან, თეთრიწყაროს მუნიციპალიტეტის საინფორმაციო-საკონსულტაციო სამსახურთან და ფერმერებთან გამართა. შეხვედრაზე სასოფლო-სამეურნეო კოოპერატივების განვითარებაზე და კოოპერატივების შექმნის ხელშეწყობაზე ისაუბრეს. კოოპერატივების ჩამოყალიბება ხელს შეუწყობს სოფლად დამატებითი სამუშაო ადგილების შექმნას, თანამედროვე ტექნოლოგიების დანერგვას, მიწების გამსხვილებას, სასოფლო-სამეურნეო პროდუქციის რეალიზაციასა და საექსპორტო პოტენციალის გაზრდას.