სიახლეების გამოწერა

თეთრიწყაროს მუნიციპალიტეტში არსებულ „ქალთა ოთახში“ კერძო და საჯარო სექტორებს შორის სოციალური პარტნიორობის განვითარების პროექტის პრეზენტაცია გაიმართა.

შეხვედრას ესწრებოდნენ მუნიციპალიტეტის  გამგებლის მოვალეობის შემსრულებელი მამუკა ჩოქური, საკრებულოს თავმჯდომარის მოადგილე, გამგეობის სოციალური სამსახურის უფროსი, სათემო ფონდი „კოდორი 2013“-ისა  და სოციალური სამსახურის სააგენტოს წარმომადგენელები. საქართველოს არბაითერ-სამარიტერ-ბუნდის პროექტის მენეჯერმა ანა დიაკონიძემ, დევნილ ქალთა ასოციაცია „თანხმობ“ის, პროექტის ასისტენტმა ხატია ქარდავამ და პროექტ „სამოქალაქო საზოგადოების ჩართვა და მუნიციპალური რეფორმის პროცესში საჯარო სტრუქტურებსა და კერძო აქტორებს შორის  სოციალური პარტნიორობის განვითარების გზით“  ქვემო ქართლის კოორდინატორმა ირმა ზურაბაშვილმა  იმ დაგეგმილ პროექტზე და პროექტის ფარგლებში უკვე შექმნილი სოციალური საწარმოების გახსნაზე ისაუბრეს, რომლებსაც ორგანიზაცია ახორციელებს.  მათივე თქმით 2014 წელს იგეგმება  პროექტში მარნეულის, თეთრიწყაროს, რუსთავისა და გარდაბნის მუნიციპალიტეტების ჩართავა. პროექტის მიზანია არასამთავრობო სექტორსა და ადგილობრივ თვითმმართველობას შორის მყარი პარტნიორული ურთიერთობების შექმნა და მათ შორის სოციალური მომსახურების სფეროში პარტნიორობის განმტკიცება. მუნიციპალიტეტის მოსახლეობისთვის საჭირო სოციალური განვითარება-გაფართოება „სოციალური საწარმოების“ შექმნით. რაიონისთვის პრიორიტეტულ პროექტებს ადგილობრივი მუნიციპალიტეტი და სოციალური სამსახურის სააგენტო მოსახლეობასთან ერთად განიხილავს. პროექტების წარდგენას მუნიციპალიტეტი შემოდგომაზე გეგმავს.