სიახლეების გამოწერა

3 მარტს თეთრიწყაროს მუნიციპალიტეტში მრავალშვილიან დედებსა და ომში დაღუპული მეომრების ოჯახის წევრ ქალბატონებს დედის დღე მიულოცეს ქვემო ქართლის გუბერნატორმა გიორგი მღებრიშვილმა და რაიონის გამგებლის მოვალეობის შემსრულებელმა მამუკა ჩოქურმა.

დედის დღესთან დაკავშირებით გაიმართა საზეიმო წარმოდგენა, რომელშიც ადგილობრივი შემოქმედებითი ჯგუფები მონაწილეობდნენ. საქველმოქმედო ღონისძიების ფარგლებში წალკისა და თეთრიწყაროს 50 მრავალშვილიან დედას საჩუქრები გადაეცა. ასევე დასაჩუქრდნენ აფხაზეთის, სამაჩაბლოსა და 2008 წლის რუსეთ-საქართველოს ომში დაღუპული მეომრების დედები და მეუღლეები. ღონისძიების მხარდამჭერები იყვნენ: ქვემო ქართლის გუბერნატორის ადმინისტრაცია, თეთრიწყაროს მუნიციპალიტეტის გამგეობა, საქველმოქმედო ორგანიზაცია „მადლი 2014“ და სამოდელო სააგენტო „KATRINI”. დედის დღესთან დაკავშირებით თეთრიწყაროს კულტურის ცენტრთან არსებულმა სახელოვნებო სკოლამ მუნიციპალიტეტის შენობაში ხელთნაკეთი ნივთების გამოფენა მოაწყო.