სიახლეების გამოწერა

10 მარტს, თეთრიწყაროს მუნიციპალიტეტის გამგებლის მოვალეობის შემსრულებელი მამუკა ჩოქური და მუნიციპალიტეტის საკრებულოს თავმჯდომარე გიორგი დალაქიშვილი, სოფელ მარაბდაში ადგილობრივ მოსახლეობას შეხვდა.

მოსახლეობამ გამგებელს და საკრებულოს თავმჯდომარეს სოფელში საბავშვო ბაღის კეთილმოწყობა სთხოვეს. „ საბავშვო ბაღის კეთილმოწყობისთვის საჭირო ღონისძიებების გატარებას მუნიციპალიტეტი საკუთარი სახსრებით უახლოეს ხანებში დაიწყებს“- განაცხადა მამუკა ჩოქურმა. საკრებულოს თავმჯდომარე გიორგი დალაქიშვილი საბავშვო ბაღის დათვალიერებას და პრობლემის ადგილზე გაცნობას 12 მარტს გეგმავს. 
სოფლის მხარდაჭერის პროგრამის ფარგლებში თეთრიწყაროს მუნიციპალიტეტის 20 ტერიტორიული ორგანოს 82 სოფელში შეხვედრები მოსახლეობასთან დასრულდა. სოფლის კრებებში განისაზღვრა პრიორიტეტები, რომელიც სოფლის მხარდაჭერის პროგრამის ფარგლებში მიმდინარე წელს უნდა გაკეთდეს. ადგილობრივებისთვის პრიორიტეტად რჩება გარეგანათება, შიდა გზების მოხრეშვა, წყალმომარაგება, სანიაღვრე არხების მოწესრიგება და სარიტუალო დარბაზების შეკეთება-რეაბილიტაცია.