სიახლეების გამოწერა

გადაუღებელმა წვიმებმა ჭივჭავის ტერიტორიული ორგანოს სოფელი დუმანისი დააზარალა. ძლიერმა წვიმამ საკარმიდამო მიწა გაიტაცა დაზიანებულია ხიდი, დატბორილია ნათესი ფართობი, მოშლილია წყლის მომარაგების სისტემა.

ადგილობრივების განმარტებით წუხანდელმა ღვარცოფმა მიწის დიდი ნაწილი წალეკა და  ეზოს ჭიშკრამდე მისასვლელი გზა მთლიანად დააზიანა. მოსახლეობას ამ დროდე არ მიეწოდება სასმელი წყალი. თეთრიწყაროს მუნიციპალიტეტის გამგებლის  მოვალეობის შემსრულებელი მამუკა ჩოქური სტიქიისგან შექმნილ მდგომარეობას ადგილზე გაეცნო. ჩოქურის განცხადებით შექმნილია  კომისია, რომელიც ზარალს ითვლის და უახლოეს მომავალში მოხდება სოფლის შიდა გზებისა და წყალმომარაგების სისტემის აღდგენა.