სიახლეების გამოწერა

26 აპრილს საქართველოს 72 მუნიციპალურ ცენტრში, ერთდროულად დაიწყო  ყველაზე მასშტაბური ინტელექტუალური შეჯიბრი - „ინტელექტის დღე.“ შეჯიბრში მონაწილეობას იღებდა თეთრიწყაროს მუნიციპალიტეტის 13 საჯარო სკოლა.

მუნიციპალურ რაუნდში გუნდებმა 24 შეკითხვას უპასუხეს. პირველ ადგილზე 11 ქულით გავიდა სამღერეთის საჯარო სკოლა, მე-2 ადგილი დაიკავა ერტისის საჯარო სკოლამ 8 ქულით, ხოლო მე-3 ადგილი გაიყვეს ორბეთისა და კოდის საჯარო სკოლებმა 7 ქულით. დასკვნით ეტაპზე  გუნდები 36 შეკითხვას უპასუხებენ. 24 მაისს ფინალში სასტუმრო „შერატონ მეტეხი პალასში“ უძლიერეს გუნდს გამოავლენენ. „ინტელექტის დღე“ საქართველოს სპორტისა და ახალგაზრდობის საქმეთა სამინისტროს, საქართველოს განათლებისა და მეცნიერების სამინისტროსა და საქართველოს ინტელექტ-კლუბის რა? სად? როდის?-ის ერთობლივი პროექტია. თეთრიწყაროს #1 საჯარო სკოლაში გამართულ შეჯიბრს თეთრიწყაროს მუნიციპალიტეტის გამგებლის მოვალეობის შემსრულებელი მამუკა ჩოქურიც დაესწრო.