სიახლეების გამოწერა

30 აპრილს თეთრიწყაროს მუნიციპალიტეტის სოფელი გოლთეთის, წინწყაროსა და ხაიშის მოსახლეობასთან რაიონის გამგებელმა მამუკა ჩოქურმა და სოფლის მეურნეობის სამინისტროს წარმომადგენელმა ნოდარ ხუხაშვილმა შეხვედრა გამართეს.

შეხვედრის მიზანი იყო სოფლებში მცხოვრები მოსახლეობის პრობლემების ადგილზე გაცნობა. წინწყაროსა და ხაიშის მოსახლეობამ სოფლის მეურნეობის სამინისტროს წარმომადგენლებს სხვა საკითხებთან ერთად 2010 წელს გაყიდული საძოვრების დაბრუნებაში დახმარება სთხოვეს.  სოფლის მეურნეობის სამინისტროს წარმომადგენლების ჩამოსვლა და მათი მოსახლეობასთან შეხვედრა მუნიციპალიტეტის გამგებლის მოვალეობის შემსრულებლის ინიციატივით მოხდა.