სიახლეების გამოწერა

2015  წლის 4 აპრილს ქალაქ  მარნეულის კულტურის ცენტრმა  უმასპინძლა კლასიკური მუსიკის კონცერტი,  მულტიეთნიკური ხელოვნების ტრადიციულ ფესტივალს - "ერთი ცის ქვეშ – კულტურული დიალოგი“ ,.  კონცერტში მონაწილეობდნენ   საქართველოს  რეგიონში მოქმედი    სახელოვნებო სკოლებისა და კულტურის ცენტრებთან არსებული   კლასიკური მუსიკის შემსრულებლები და სამუსიკო სკოლების წარმომადგენლები.

აღნიშნული ფესტივალს ორგანიზებას უწევდა  შერიგებისა და სამოქალაქო თანასწორობის საკითხებში საქართველოს სახელმწიფო მინისტრის აპარატი, საქართველოს კომპოზიტორთა კავშირის ქვემო ქართლის რეგიონის თავმჯდომარე, კომპოზიტორი  მანანა ალფაიძე და  კულტურისა და ძეგლთა დაცვის სამინისტრო. ფესტივალის  დონორი ორგანიზაციაა  - გაერო-ს ასოციაცია  საქართველოში. ფესტივალში  მონაწილეობა მიიღეს თეთრიწყაროს  მუნიციპალიტეტის სამუსიკო სკოლის  ეთნიკურად სომეხმა მოსწავლეებმა  ჯულიეტა და ვიქტორია მანუკოვებმა.
ღონისძიებას დაესწრნენ  შერიგებისა და სამოქალაქო თანასწორობის საკითხებში საქართველოს სახელმწიფო მინისტრი პაატა ზაქარეიშვილი, მარნეულის მუნიციპალიტეტის გამგებელი მერაბ თოფჩიშვილი, ადგილობრივი თვითმმართველობის ხელმძღვანელი პირები, კულტურისა და ძეგლთა დაცვის სამინისტროსა და საქართველოში გაეროს ასოციაციის წარმომადგენლები.