სიახლეების გამოწერა

ქალაქ თეთრიწყაროში, ომში დაღუპულთა მემორიალი გვირგვინით შეამკეს, ქვემო ქართლში სახელმწიფო რწმუნებულ-გუბერნატორმა პაატა ხიზანაშვილმა, ქვემო ქართლის გუბერნატორის ადმინისტრაციის აპარატის უფროსის მოადგილემ გიორგი ჭავჭავაძემ, თეთრიწყაროს მუნიციპალიტეტის გამგებელმა ბესიკ წიკლაურმა და საკრებულოს თავჯდომარემ გოჩა თედორაძემ. ომში დაღუპულთა მემორიალს ასევე  პატივი მიაგეს გამგეობის თანამშრომლებმა და ადგილობრივმა მოსახლეობამ.

სამამულო ომის ყველა ვეტერანს პრემიერ-მინისტრის ინიციატივით, წელს პირველად, ერთჯერადათ 1000 ლარი ჩაერიცხათ, თეთრიწყაროს მუნიციპალიტეტმა თეთრწყაროელ თექვსმეტივე ომის ვეტერანს ადგილობრივი ბიუჯეტიდან გამოუყო 200 ლარი.
პაატა ხიზანაშვილმა სამამულო ომის მონაწილებს ფაშიზმზე გამარჯვების 70 წლისთავთან დაკავშირებით დამზადებული სპეციალური ორდენი და პრემიერ მინისტრ ირაკლი ღარიბაშვილის მილოცვა გადასცა.
მამა პავლე ზურაბიანმა სამამულო ომში დაღუპულთა სულის მოსახსენებელი პანაშვიდი გადაიხადა. საზეიმო ღონისძიება კონცერტითა და მეორე მსოფლიო ომის თემატიკასთან დაკავშირებული გამოფენით დასრულდა.