სიახლეების გამოწერა

ქ. თეთრიწყაროს კულტურისა და დასვენების პარკში 2015 წლის 26 მაისს ჩატარდა საქართველოს დამოუკიდებლობის დღისადმი მიძღვნილი ღონისძიება, რომელსაც ესწრებოდნენ მანგლისისა და წალკის ეპარქიის მიტროპოლიტი ანანია(ჯაფარიძე), ქვემო ქართლში სახელმწიფო რწმუნებულ-გუბერნატორის ადმინისტრაციის რეგიონული პროექტების კოორდინირების სამსახურის უფროსი გიორგი ხომერიკი,თეთრიწყაროს მუნიციპალიტეტის გამგებელი  ბესიკ წიკლაური,თეთრიწყაროს მუნიციპალიტეტის საკრებულოს თავმჯდომარე  გოჩა თედორაძე დაგამგეობის თანამშრომლები.

ღონისძიებაზე შეკრებილ მოსახლეობას დამოუკიდებლობის დღე ,მანგლისისა და წალკის ეპარქიის მიტროპოლიტმა ანანიამ მიულოცა და დალოცა ისინი.
26 მაისისადმი მიძღვნილი ღონისძიება კონცერტით გაგრძელდა რომელშიც მონაწილეობას იღებდნენ ადგილობრივი შემოქმედებითი ჯგუფები ა.(ა).ი.პ ,,თეთრიწყაროს კულტურისა და საბიბლიოთეკო დაწესებულებების გაერთიანება - კულტურის ცენტრთან“ არსებული ქორეოგრაფიული და ფოლკლორული ანსამბლები,  ა.(ა).ი.პ ,,თეთრიწყაროს სამუსიკო სკოლასთან“  არსებული გოგონათა და ვაჟთა ფოლკლორული ანსამბლები, ა.(ა)ი.პ  ,,თეთრიწყაროს სამუსიკო სკოლის“  სოფ. ასურეთისა და სოფ. კოდის განყოფილებებთან არსებული  ფოლკლორული ანსამბლები.
ღონისძიების პარალელურად,კულტურისა და დასვენების პარკში გამოფენილი იყო  ა.(ა).ი.პ ,,თეთრიწყაროს სახელოვნებო სკოლის“ აღსაზრდელთა ნამუშევრები ა.(ა).ი.პ. ,,თეთრიწყაროს მხარეთმცოდნეობის მუზეუმის“  მიერ კი წარმოდგენილი იყო დამოუკიდებლობის დღისადმი მიძღვნილ ფოტოგამოფენა.
მოეწყო სხვადასხვა სპორტული აქტივობები ფრენბურთში, მკლავჭიდსა და ჭადრაკში.