სიახლეების გამოწერა

29 მაისს აჭარიდან შემოსული ოლიმპიური ცეცხლის ესტაფეტა თეთრიწყაროს მუნიციპალიტეტში გაგრძელდა საბერძნეთის დედაქალაქ ათენში, პანათინაიკოსის სტადიონზე ანთებული ოლიმპიური ცეცხლი 2 ივნისს თეთრიწყაროს მუნიციპალიტეტში ჩამოვიდა, რომელსაც ქვემო ქართლის გუბერნატორის პირველი მოადგილე კახაბერ გუგეშაშვილი, თეთრიწყაროს მუნიციპალიტეტის გამგებელი ბესიკ წიკლაური, საკრებულოს თავმჯდომარე გოჩა თედორაძე და თეთრიწყაროს მუნიციპალიტეტის წარმატებული სპორტსმენები დახვდნენ.

პირველი ჩირაღდანი აანთო თეთრიწყაროს მუნიციპალიტეტის სპორტსმენმა გიორგი კობახიძემ(საქართველოს ნაკრების წევრი ჭიდაობის სახეობა კურაში) ესტაფეტაში მონაწილეობდნენ დავით ხვისტანი, გიორგი ქურდიანი,ახმადგერ გარდაფხაძე,ლუხუმ ჩხვიმიანი და ფრიდონ გასვიანი. სპორტსმენებმა ოლიმპიური ჩირაღდანი თეთრიწყაროს მუნიციპალიტეტის გამგეობის წინ მიიტანეს. დამსწრე საზოგადოებას ისტორიული დღე მიულოცა, თეთრიწყაროს მუნიციპალიტეტის ჯანდაცვის და სოც უზრუნველყოფის, განათლების, კულტურის, სპორტისა და ახალგაზრდულ საქმეთა სამსახურის უფროსმა ვაჟა სულხანიშვილმა . საზეიმო ღონისძიება კი გაგრძელდა ადგილობრივი ქორეოგრაფიული და ფოლკლორული ანსამბლების მონაწილეობით. ოლიმპიური ჩირაღდანი 26 მაისს, საბერძნეთის დედაქალაქ ათენში აინთო. ცეცხლი საქართველოში პირველად ჩამოიტანეს. სხვადასხვა მუნიციპალიტეტებში ცეცხლს სულ 700- მდე მეჩირაღდნე ჩაიტანს. ოლიმპიურ ცეცხლს ბოლოს თბილისში ჩაიტანენ, სადაც ახალგაზრდული ოლიმპიადა დაიწყება. დედაქალაქს 49 ქვეყნის 3800 მონაწილე ესტუმრება, ისინი ძალებს სპორტის 9 სახეობაში მოსინჯავენ.