სიახლეების გამოწერა

ქვემო ქართლში სახელმწიფო რწმუნებულ-გუბერნატორის ადმინისტრაციის მხარდაჭერითა და მეტყველების განვითარებისა და კორექციის ცენტრ „ლოგომედის“ ინიციატივით მეტყველების დარღვევის მქონე ბავშვთა უფასო გასინჯვა-დიაგნოსტირების აქცია ამჯერად თეთრიწყაროს მუნიციპალიტეტში გაიმართა.

უფასო სამედიცინო აქციის მიმდინარეობას ადგილზე გაეცნო ქვემო ქართლში სახლმწიფო რწმუნებულ-გუბერნატორი. პაატა ხიზანაშვილი „ლოგომედის“ ხელმძღვანელს, სპეციალისტებსა და პაციენტებს პირადად გაესაუბრა და კვლევის შედეგების შესახებ დეტალური ინფორმაცია მოისმინა. 
საზოგადოებრივი ჯანდაცვისა და უსაფრთხო გარემოს უზრუნველყოფის ცენტრის შენობაში მიმდინარე აქციას დაესწრნენ თეთრიწყაროს გამგებელი ბესიკ წიკლაური, ჯანდაცვისა და სოციალური უზრუნველყოფის, განათლების, კულტურისა და სპორტის სამსახურის უფროსი ვაჟა სულხანიშვილი.
აღსანიშნავია, რომ ცენტრმა კვლევები უკვე განახორციელა ქვემო ქართლის რეგიონის მასშტაბით – რუსთავის, ბოლნისის, გარდაბნის მარნეულისა და დმანისის მუნიციპალიტეტებში. „ლოგომედის“ ხელმძღვანელის ეკატერინე ჭავჭავაძის განცხადებით, ცენტრის სპეციალისტთა ჯგუფი უახლოეს პერიოდში წალკის მუნიციპალიტეტს ეწვევა.