სიახლეების გამოწერა

არასამთავრობო ორგანიზაცია ,,ICCN”-ისა და „ქალთა ოთახის“ ორგანიზებით, თეთრიწყაროს მუნიციპალიტეტის გამგეობაში გაიმართა საინფორმაციო ტიპის შეხვედრა.

ჰორიზონტის გაფართოება: ,,გაუმჯობესებული არჩევანი ქალთა და გოგონათა პროფესიული და ეკონომიკური განვითარებისათვის“ - პროგრამის ფარგლებში, რომელიც ხორციელდება კონფლიქტებისა და მოლაპარაკებების საერთაშორისო კვლევითი ცენტრის (ICCN) მიერ, ამერიკის შეერთებული შტატების განვითარების სააგენტოს (USAID) მხარდაჭერით, არასამთავრობო ორგანიზაცია ,,MercyCorps”- თანპარტნიორობით. პროგრამა შედგება სამი ძირითადი კომპონენტისაგან:
1. ,,ქალთა ოთახი“ - ახალი მუნიციპალური სერვისი, რომელიც ქალებს გაუმარტივებს ინფორმაციასა და სხვადასხვა სერვისზე წვდომას და ხელს შეუწყობს გენდერული ცნობიერების ამაღლებას.
2. განათლების, კარიერისა და შესაძლებლობების ფონდი - ხელს შეუწყობს ქალებისა და გოგონების კარიერისა და განათლების შესაძლებლობების გაზრდას.
3. განათლება და სკოლები- შერჩეული პედაგოგებისთვის ჩატარდება სპეციალური ტრენინგები გენდერული თანასწორობისა და გოგონათა გაძლიერების პროგრამით. კომპონენტი ხელს შეუწყობს სკოლებში თემატური გაკვეთილების, ფაკულტატური მეცადინეობების, ინტერაქტიული სავარჯიშოებისა და როლური თამაშების ორგანიზებას. მოხდება მშობლების აქტიურად ჩართვა ბავშვების მიერ მომზადებულ მცირე პროექტებში, დისკუსიებში, ფილმების პრეზენტაციებში და ა.შ.
შეხვედრას ესწრებოდნენ თეთრიწყაროს მუნიციპალიტეტის გამგებლის მოადგილე ლია ზურებიანი,საფინანსო-საბიუჯეტო და შესყიდვების სამსახურის უფროსი  ეკატერინე აფციაური, ICCN -ის დირექტორი ლალი ყიფშიძე, ICCN-ის კოორდინატორი მაია შარვაშიძე და „ქალთა ოთახის „ თანამშრომლები.