სიახლეების გამოწერა

სოციალურ-საგანმანათლებლო მედია პროექტი "ეტალონის" 10 წლის იუბილესთან დაკავშირებით, 6 სექტემბერს, თბილისის სახელმწიფო საკონცერტო დარბაზში წარმატებული ახალგაზრდებისა და პროექტის თანამოაზრეთა სადემონსტრაციო თავყრილობა გაიმართა.

ღონისძიებაზე მიწვეული იყო საქართველოს ყველა მუნიციპალიტეტიდან 3500-ზე მეტი თანამემამულე, რომელთა შორის – თეთრიწყაროს მუნიციპალიტეტის გამგეობის ჯანდაცვის და სოც უზრუნველყოფის, განათლების, კულტურის, სპორტისა და ახალგაზრდულ საქმეთა სამსახურის უფროსი
ვაჟა სულხანიშვილი , გამგეობის თანამშრომლები ახალგაზრდები, სკოლის დირექტორები, წარმატებული მოსწავლეები და ადგილობრივი რესურსცენტრის წარმომადგენლები იყვნენ.
„ეტალონის“ საიუბილეო ღონისძიებას ესწრებოდნენ საქართველოს სხვადასხვა კუთხიდან გამორჩეული მოსწავლეები, წარმატებული სტუდენტები, ღვაწლმოსილი პედაგოგები, სასულიერო პირები, საგანმანათლებლო და კულტურის სფეროს დამსახურებული მოღვაწეები, მთავრობის წევრები, სამხარეო რწმუნებულები - გუბერნატორები, ადგილობრივი მმართველობისა და თვითმმართველობის წარმომადგენლები, "ახალგაზრდული საკრებულოების" წევრები.
ღონისძიება დატვირთული იყო საკონცერტო ნომრებით. 
"ეტალონის" ავტორმა გოჩა ტყეშელაშვილმა საიუბილეო საღამოზე შეკრებილ ახალგაზრდებსა და პროექტის თანამოაზრეებს საზეიმო ვითარებაში გააცნო პროექტის სამომავლო გეგმები, სადაც ასევე ისაუბრა მათ მიერ განვლილ წლებსა და მიღწევებზე.
დამსწრე საზოგადოებას სიტყვით მიმართეს საქართველოს მთავრობის წარმომადგენლებმაც.