სიახლეების გამოწერა

ტბისი-კუმისის სარწყავი სისტემის რეაბილიტაციის სამუშაოები ინტენსიურდ მიმდინარეობს. პროექტი, რომელიც ხორციელდება საქართველოს სოფლის მეურნეობის სამინისტროს და საქართველოს გაერთიანებული სამელიორაციო კომპანიის მიერ, მსოფლიო ბანკის ფინანსური მხარდაჭერით, ითვალისწინებს 25 კმ მაგისტრალური არხის, ტბისი-კუმისის სარწყავი სისტემის ალგეთის წყალსაცავის კაშხლის და ჰიდროტექნიკური ნაგებობების მონიტორინგის სისტემის აღდგენას, მაგისტრალური არხის „ხაიშის“ და „მარაბდის“ მასივებზე წყალგამყვანი მილსადენების რეაბილიტაციას.
პროექტით გათვალისწინებულია თეთრიწყაროს მუნიციპალიტეტის სოფლებში: ტბისი, ფარცხისი, საღრაშენი, ბოგვი, ჯორჯიაშვილი, შავსაყდარი, ასურეთი,ბორბალო, ღოუბანი, ვაშლოვანი, ერტისი, მუხათი, კოდა, კოდის იგპ დასახლება, მარაბდა, ქოთიში, ხაიშში არსებულ წყალგამყვან მილსადენებზე სარეაბილიტაციო სამუშოების განხორციელება.

მაგისტრალური არხის სარეაბილიტაციო სამუშაოების შედეგად, მოსახლეობას მოუგვარდება სარწყავი წყლით მომარაგების პრობლემები, აღნიშნული სოფლების 8 300 ჰექტარზე მეტი სასოფლო-სამეურნეო დანიშნულების მიწის ნაკვეთები წყლით უზრუნველყოფილი იქნება, რაც დადებითად აისახება მუნიციპალიტეტში სოფლის მეურნეობის დარგის განვითარებაზე.

სამუშაოებს ახორციელებს მშენებელი კომპანია: ალკე (თურქეთი) 
ხელშეკრულება გაფორმდა: 17.03.2016
სამუშაოების ხანგრძლივობა 18 თვე
ღირებულება: 15,3 მილიონი ლარი