სიახლეების გამოწერა

13 ივლისს თეთრიწყაროს მუნიციპალიტეტის გამგეობის საკონფერენციო დარბაზში ტრენინგი ჩაუტარდათ მუნიციპალიტეტის სამოქალაქო მრჩეველთა საბჭოს და მასთან შექმნილი სამუშაო ჯგუფების წევრებს.
ტრეინინგის თემა იყო : „ადგილობრივი თვითმმართველობის არსი, უფლებამოსილებები, ადგილობრივი ბიუჯეტი და მოქალაქეთა მონაწილეობა თვითმმართველობაში“. ტრეინინგის ჩასატარებლად არასამთავრებო ორგანიზაციამ „მწვანე კავკასიამ“ მოიწვია რეგიონული განვითარებისა და ინფრასტრუქტურის სამინისტროს თვითმმართველობის განვითარებისა და რეგიონული პოლიტიკის დეპარტამენტის უფროსის მოადგილე ოთარ კონჯარია. აღნიშნულ ტრენინგს ესწრებოდა თეთრიწყაროს მუნიციპალიტეტის გამგებელი ბესიკ წიკლაური, ტრენინგის მსვლელობის პროცესსში გამგებელმა მიმართა საბჭოს წევრებს, ისაუბრა მნიშვნელოვან ინფრასტრუქტურულ პროექტებზე, ტურიზმის განვითარებაზე, ახალგაზრდების ჩართულობაზე და აქტიურობაზე. 
ტრენინგი ჩატარდა პროექტის „თანამონაწილეობითი დაგეგმვა ურბანულ დასახლებაში“ ფარგლებში, რომელიც ხორციელდება ფონდის „ღია საზოგადოება-საქართველო“ მხარდაჭერით.