სიახლეების გამოწერა

არასამთავრობო ორგანიზაცია „მწვანე კავკასია“-ს ორგანიზებით, 20 ივლისს თეთრიწყაროს მუნიციპალიტეტის გამგეობის საკონფერენციო დარბაზში პროექტის „თანამონაწილეობითი დაგეგმვა ურბანულ დასახლებაში“ ფარგლებში, სამუშაო ჯგუფის წევრებისთვის ჩატარდა მორიგი ტრენინგი თემაზე „ მოქალაქეთა მონაწილეობა ქალაქის დაგეგმარების პროცესში“. ტრენინგს უძღვებოდა ილიას სახელმწიფო უნივერსიტეტის და საქართველოს ტექნიკური უნივერსიტეტის ლექტორი, არქიტექტორი ირაკლი ჟვანია. 
ტრენინგის დასრულების შემდგომ, სამუშაო ჯგუფის წევრებმა დაათვალიერეს ქალაქის ცენტრალურ უბანში მდებარე ობიექტები და იმსჯელეს მათი ფუქნციური დატვირთვის სამომავლო პერსპექტივებზე.
პროექტის „თანამონაწილეობითი დაგეგმვა ურბანულ დასახლებაში“ მიზანია, მოქალაქეთა აქტიური ჩართულობით ქ. თეთრიწყაროს ცენტრალური უბნების კეთილმოწყობის საპროექტო წინადადებების შემუშავება, რომელიც შემდგომ წარედგინება მუნიციპალიტეტის გამგეობას განსახილველად. ამ მიზნით სამოქალაქო მრჩეველთა საბჭოსთან შეიქმნილია სამუშაო ჯგუფი, რომელის ფუნქციას ქალაქის დაგეგმარების ხედვის შემუშავება წარმოადგენს. პროექტს ფონდ „ღია საზოგადოება-საქართველო“-ს და მუნიციპალიტეტის გამგეობის მხარდაჭერით ახორციელებს არასამთავრობო ორგანიზაცია „მწვანე კავკასია“ გამგებლის სამოქალაქო მრჩეველთა საბჭოსთან თანამშრომლობით.