სიახლეების გამოწერა

თეთრიწყაროს მუნიციპალიტეტის სოფელ ასურეთში, 9 აპრილის ქუჩის სამშენებლო-სარეაბილიტაციო სამუშაოები მიმდინარეობს. პროექტი ითვალისწინებს 1.2 კმ გზის მონაკვეთზე ასფალტო-ბეტონის საფარის და სანიაღვრეების მოწყობას.
პროექტის განხორციელების შედეგად გაუმჯობესდება 100-მდე ბენეფიციარის კომფორტული და უსაფრთხო გადაადგილების პირობები.
სამუშაოები მიმდინარე წლის12 ივლისს დაიწყო და დასრულება ხელშეკრულებით 12 ოქტომბერს არის გათვალისწინებული. სამუშაოები ხორციელდება საქართველოს რეგიონული განვითარებისა და ინფრასტრუქტურის სამინისტროს სსიპ „მუნიციპალური განვითარების ფონდი“-ს დაკვეთით, პროექტის ბიუჯეტი ხელშეკრულებით 499.993.40 ლარს შეადგენს. სამუშაოებს აწარმოებს შ.პ.ს „ჯ-ლაინი“.