სიახლეების გამოწერა

სოფელ დიდ ირაგასა და წინწყაროში სასმელი წყლის სისტემის სარეაბილიტაციო სამუშაოები მიმდინარეობს, რაც ითვალისწინებს ცენტრალური მილის შეცვლას და სათავე ნაგებობის რეაბილიტაციას. 
აღნიშნული სოფლების მოსახლეობას წლების განმავლობაში აწუხებდა სასმელი წყლით მომარაგების პრობლემა, ვინაიდან დაზიანებული სისტემა ვერ უზრუნველყოფდა სასმელი წყლის საჭირო რაოდენობით მოსახლეობის მომარაგებას და დასახლებებს წყალი მიეწოდებოდა შეზღუდვით.
სასმელი წყლის სისტემის სარეაბილიტაციო სამუშაოების ჩატარების შემდეგ, შემცირდება წყლის დანაკარგები და მოსახლეობა ისარგებლებს გაუმჯობესებული წყალმომარაგებით.
აღნიშნული პროექტების საერთო ღირებულება ხელშეკრულებით შეადგენს 102395,15 ლარს აქედან ადგილობრივი ბიუჯეტი 5119,76 ლარი, ხოლო სახელმწიფო ბიუჯეტი 97275,29 ლარი. სამუშაოებს აწარმოებს ტენდერში გამარჯვებული კონტრაქტორი კომპანია შ.პ.ს. „G. SERVICE”.
სარეაბილიტაციო სამუშაოები 2016 წლის 15 ივნისს დაიწყო და დასრულება ხელშეკრულებით გათვალისწინებულია 2016 წლის 29 აგვისტოს.