სიახლეების გამოწერა

თეთრიწყაროს მუნიციპალიტეტის №1 საჯარო სკოლაში დედაენის დღისადმი მიძღვნილი ღონისძიება გაიმართა. ღონისძიება „ლიტერატურის მოყვარულთა კლუბი"-ს წევრების მიერ დაიგეგმა, რომელშიც მონაწილეობა მიიღეს მეექვსე-მეთორმეტე კლასის მოსწავლეებმა, ბავშვებმა წარმოადგინეს ლექსები და მუსიკალური ნომრები.

ღონისძიების ძირითადი ნაწილის დასრულების შემდგომ, საჯარო სკოლის რუსული ენის პედაგოგს ელენა ივანოვას, ეროვნულ სასწავლო ოლიმპიადაში მოსწავლეების წარმატებული მონაწილეობისთვის, საქართველოს განათლებისა და მეცნიერების სამინისტროს სახელით მადლობის სიგელი გადაეცა. თეთრიწყაროს მუნიციპალიტეტის გამგეობა ულოცავს ღვაწლმოსილ პედაგოგს და უსურვებს წარმატებებს.