სიახლეების გამოწერა

თეთრიწყაროს მუნიციპალიტეტის გამგეობის საკონფერენციო დარბაზში სამოქალაქო ბიუჯეტის პროექტის ფარგლებში, სამუშაო შეხვედრა გაიმართა. შეხვედრის მიზანს პროექტის „სამოქალაქო ბიუჯეტი“–ს ევროპული და ქართული მოდელის პრაქტიკის გაზიარება წარმოადგენდა. შეხვედრაზე მოეწყო პრეზენტაციის ჩვენება თემაზე – თუ რა არის სამოქალაქო ბიუჯეტი, რატომ არის მისი განხორცილება საჭირო. შეხვედრის მონაწილეებმა ექსპერტებთან ერთად შეასრულეს პრაქტიკული დავალებები, იმსჯელეს სხვა მუნიციპალიტეტებში დანერგილი სამოქალაქო ბიუჯეტის პროექტის ფარგლებში არსებული პრაქტიკის დადებით და უარყოფით მხარეებზე. 
„სამოქალაქო ბიუჯეტი“ არის პროცესი, რომელიც მუნიციპალიტეტის ბიუჯეტის განაწილებისა და ხარჯვის პროცესში მოქალაქეების ინტერესის გათვალისწინების საშუალებას იძლევა. პროექტისთვის ადგილობრივი ბიუჯეტიდან გათვალისწინებულია გარკვეული თანხების გამოყოფა, რომლის ხარჯვის ინიციატივასაც წარდგენილი პროექტის შესაბამისად სთავაზობს ადგილობრივი მოსახლეობა. 
2016 წელს პროექტის ფარგლებში შერჩეული 10 მუნიციპალიტეტიდან გამოვლინდა 3 გამარჯვებული მუნიციპალიტეტი, მათ შორის თეთრიწყაროს მუნიციპალიტეტიც. 
შეხვედრას ესწრებოდნენ თეთრიწყაროს მუნიციპალიტეტის გამგებელი ბესიკ წიკლაური, პოლონელი ექსპერტები და გამგეობის თანამშრომლები.