სიახლეების გამოწერა

27 სექტემბერი საქართველოს უახლეს ისტორიაში ერთ-ერთი ტრაგიკული დღეა. 1992 წლის 14 აგვისტოს დაიწყო სამხედრო დაპირისპირება აფხაზეთში და 1993 წლის 27 სექტემბერს დაეცა სოხუმი.
დღეს სოფელ ასურეთში და დაბა მანგლისში აფხაზეთის ომში დაღუპული გმირები გაიხსენეს. დაღუპულთა ხსოვნას პატივი მიაგეს და გმირთა მემორიალი ყვავილებით შეამკეს „ქართული ოცნება-დემოკრატიული საქართველო“-ს თეთრიწყაროს მაჟორიტარობის კანდიდატმა გოდერძი ჩანქსელიანმა, თეთრიწყაროს მუნიციპალიტეტის გამგებელმა ბესიკ წიკლაურმა, თეთრიწყაროს საკრებულოს წევრებმა და მოსახლეობამ. დაღუპულთა სულის მოსახსენიებელი პანაშვიდი აღავლინა თეთრიწყაროს წმინდა ნიკოლოზის სახელობის ტაძრის წინამძღვარმა მამა პავლე ზურებიანმა და მანგლისის ღმრთისმშობლის სახელობის ტაძრის მოძღვარმა მამა გიორგი მალხაზიშვილმა.
თეთრიწყაროს მუნიციპალიტეტის გამგეობის მიერ, დაღუპულ გმირთა ოჯახებს სოციალური უზრუნველყოფის მუნიციპალურ პროგრამით გათვალისწინებული დახმარება გაეწიათ, თითოეულ ოჯახს 300 ლარის ოდენობით.