მთავარი
ბიუჯეტი
ტენდერი
პროექტები
აუქციონი
პეტიციის დამატება
გამოკითხვა
ფოტო გალერეა
თეთრიწყაროს მუნიციპალიტეტის მერიის საკონფერენციო დარბაზში ადმინისტრაციული ერთეულის რწმუნებულებთან მორიგი შეხვედრა გაიმართა, შეხვედრას მუნიციპალიტეტის მერი გიორგი წიკლაური, მოადგილესთან, დევი დევიძესთან და მერიის ადმინისტრაციული სამსახურის ხელმძღვანელთან, ჯემალ წურწუმიასთან ერთად უძღვებოდა, მოისმინეს წარმომადგენლების მიერ შეთავაზებული წინადადებები, სოფლის მხარდაჭერის პროგრამის ფარგლებში განსახორციელებელი პროექტების შესახებ და იმსჯელეს მოსახლეობასთან დაგეგმილ შეხვედრების გეგმა-გრაფიკზე.
შეხვედრა, საქართველოს თავდაცვის ძალების ეროვნული გვარდიის ტერიტორიული რეზერვის შესახებ, საინფორმაციო კამპანიის ფარგლებში გაგრძელდა. მე-20 ტერიტორიული თავდაცვის მე-4 ბრიგადის, 204-ე ტერიტორიული ბატალიონის მეთაურმა, ვიცე პოლკოვნიკმა მირზა ბეჟანიძემ, ტერიტორიული რეზერვის პროექტის შესახებ დეტალური ინფორმაცია, მუნიციპალიტეტის წარმომადგენლებს მიაწოდა. პრეზენტაციის შემდეგ შეხვედრა კითხვა-პასუხის რეჟიმში გაგრძელდა.
ტერიტორიულ რეზერვში მიიღებიან თბილისის, მცხეთის, კახეთის, იმერეთის, სამეგრელოს, აჭარის, გურიისა და ქვემო ქართლის რეგიონში მცხოვრები საქართველოს მოქალაქეობის მქონე პირები 18 - დან 51 წლის ჩათვლით, მათ შორის სტუდენტები, 18-დან 22 წლის ჩათვლით. ტერიტორიულ რეზერვში ჩარიცხულ მოქალაქეებს 4 წლიანი კონტრაქტი გაუფორმდებათ. მათი ანაზღაურება ყოველთვიურად წოდებრივი სარგოს 20% შეადგენს, ხოლო ქვედანაყოფში ყოფნისას ისინი ხელფასს სრულად აიღებენ. რეზერვში ჩარიცხული რეზერვისტის მინიმალური წლიური ანაზღაურება 4218 ლარს შეადგენს.
წლის განმავლობაში ინტენსიური საბრძოლო მომზადება მოიცავს 45 დღემდე პერიოდს, რაც თანაბრად განაწილდება 12 თვეზე. აღნიშნული მომზადების კურსის მთავარი ამოცანა რეზერვისტისთვის ქვედანაყოფის საველე შეკრებებზე რეალური საბრძოლო უნარების შესწავლაა. ტერიტორიული რეზერვის გავლის პერიოდში მოქალაქეები ისარგებლებენ ინდივიდულაური სამედიცინო მომსახურებით, ასევე უზრუნველყოფილნი იქნებიან სოციალური და სამართლებრივი დაცვით.
მსურველებს შეუძლიათ ონლაინ რეგისტრაცია
onlinebct.mod.gov.ge
