სიახლეების გამოწერა

16 სექტემბერს თეთრიწყაროს მუნიციპალიტეტის სოფლებში ქოსალარსა და სამშვილდეში ქართული ენის შემსწავლელი კურსები გაიხსნა.

პროგრამის მონაწილე აზერბაიჯანულ და სომხურენოვან მოქალაქეებს შეხვდნენ ქვემო ქართლის რეგიონში სახლმწიფო რწმუნებულ-გუბერნატორის მოადგილე ნუგზარ სალია, პრეზიდენტის მრჩეველი ეთნიკური უმცირესობების საკითხებში სოფიო შამანიდი , თბილისის სახელმწიფო უნივერსიტეტის ასოცირებული პროფესორი ეკატერინე კობახიძე,თეთრიწყაროს მუნიციპალიტეტის გამგებლის პირველი მოადგილე ლია ზურებიანი,თეთრიწყაროს მუნიციპალიტეტის საკრებულოს თავმჯდომარე გოჩა თედორაძე და საკრებულოს თავმჯდომარის მოადგილე დავით სარიევი.
სტუმრებმა მუნიციპალიტეტის მცხოვრებლებს დაწვრილებით გააცნეს პროექტი „ვისწავლოთ ქართული“ და სასწავლო პროცესისთვის საჭირო სახელმძღვანელოები უფასოდ გადასცეს. 
პროექტი პრეზიდენტის ინიციატივით ხორციელდება და მიზნად ისახავს ეროვნული უმცირესობების საზოგადოებაში ინტეგრაციას. სამი თვის განმავლობაში მაღალკვალიფიციური პედაგოგები პროგრამის მონაწილე ბენეფიციარებს-ეროვნულ უმცირესობათა 1500-მდე წარმომადგენელს ქართულად ლაპარაკსა და წერა-კითხვას დაჩქარებული, თანამედროვე და ეფექტიანი მეთოდით შეასწავლიან.
„ვისწავლოთ ქართული“ ქვეყნის სამ რეგიონში: ქვემო ქართლში, სამცხე-ჯავახეთსა და კახეთში ხორციელდება. 
მსმენელებს კურსის ბოლოს სერტიფიკატები გადაეცემათ.