სიახლეების გამოწერა

29 მაისს თეთრიწყაროს მუნიციპალიტეტში მოსულმა ძლიერმა წვიმამ და სეტყვამ მდინარე ასლანკას ადიდება გამოიწვია.

ადიდებულმა მდინარემ საფრთხე შეუქმნა მარნეული-თეთრიწყარო-წალკის საავტომობილო გზის მონაკვეთზე, სოფელ დუმანისთან მშენებარე სახიდე გადასასვლელს, მოვარდნილმა წყალმა დატბორა მიმდებარე ტერიტორია და გამოიწვია სახიდე გადასასვლელზე მიმდინარე მშენებლობის სამუშაოების შეფერხება. ცენტრალური და ადგილობრივი ხელისუფლების ერთობლივი ძალისხმევით პრობლემა დროულად იქნა აღმოფხვრილი, ოპერატიულად მოხდა ადგილზე ტექნიკის მობილიზება და დატბორილი ტერიტორიის გაწმენდა. ამჟამად, აღნიშნული გზის მონაკვეთზე სამუშაოები მიმდინარეობს შეუფერხებლად.