სიახლეების გამოწერა

საქართველოს სახელმწიფოებრივი დამოუკიდებლობის აღდგენის 102-ე წლისთავთან დაკავშირებით თეთრიწყაროს მუნიციპალიტეტის მერიის ადმინისტრაციულ შენობაზე სახელმწიფო დროშები გამოიფინა.
#26მაისი
#ესდღეჩვენია
#თეთრიწყარო

თეთრიწყაროს მუნიციპალიტეტში შეუფერხებლად მიმდინარეობს სამელიორაციო სამუშაოები, რომელიც ალგეთი-ტბისი-კუმისის მაგისტრალურ ქსელზე, სოფელ ასურეთის გამანაწილებლის რეაბილიტაციას ითვალისწინებს. შედეგად, სარწყავი წყლის მიწოდების გრაფიკი 120ჰა სასოფლო-სამეურნეო მიწის ფართობზე გაუმჯობესდება.

 თეთრიწყაროს მუნიციპალიტეტის მერმა გიორგი ქორიძემ და მერის მოადგილე ბერდია ხვისტანმა სოფელ ბორბალოში მცხოვრებ ფერმერებთან ანტიკრიზისული გეგმით გათვალისწინებული პროგრამების შესახებ საინფორმაციო ხასიათის შეხვედრა გამართეს.

თეთრიწყაროს მუნიციპალიტეტში ინფრასტრუქტურული პროექტები ჯანდაცვის სამინისტროს რეკომენდაციების სრული დაცვით, შეუფერხებლად ხორციელდება. სოფელ ფარცხისში სტიქიის პრევენციის ფონდის დაფინანსებით, აქტიურად მიმდინარეობს მდინარე ფარცხისისწყლის კალაპოტში გაბიონის მოწყობის სამუშაოები. პროექტი გასული წლის სექტემბერში დაიწყო და დასრულება მიმდინარე თვის ბოლოსაა გათვალისწინებული. 

თეთრიწყაროს მუნიციპალიტეტის სოფელ მარაბდაში მცხოვრები, ახალგაზრდა აგროსერვისის მიმწოდებელი გიორგი ავჭალელი ევროკავშირის მიერ დაფინანსებული ENPARD თეთრიწყაროს პროექტის ერთ-ერთი გამარჯვებულია.პროექტს ევროკავშირის პარტნიორი ორგანიზაცია ასოციაცია სამხარეო განვითარება მომავალი საქართველოსთვის (RDFG) ახორციელებს. კონკურსის ფარგლებში მას აგრო ტექნიკა გადაეცა.ქვეყანაში გამოწვეული პანდემიის მიუხედავად გიორგი მუნიციპალიტეტის მოსახლეობას ინოვაციურ სერვისს სთავაზობს, რომლის ფარგლებში მომხმარებელს 15-ზე მეტი მომსახურების მიღება შეუძლია.

კორონავირუსის პრევენციული ღონისძიებების ფარგლებში თეთრიწყაროს მუნიციპალიტეტში აქტიურად გრძელდება მოწყვლადი კატეგორიის ოჯახების დახმარება.
სასურსათო და ჰიგიენური საშუალებების ამანათები სოფელ მაწევნისა და აბელიანის მოსახლეობას მერის წარმომადგენელმა ჩხიკვთის ადმინისტრაციულ ერთეულში ვანო დავითაშვილმა და მისმა თანაშემწემ გადასცეს.

თეთრიწყაროს მუნიციპალიტეტის მერის მოადგილე ლია ზურებიანმა და ორგანიზაცია ტურიზმი და რეალობის კონსულტანტმა ლამარა ბექაურმა ქალაქ თეთრიწყაროში მომსახურების სფეროში დასაქმებულ პერსონალს, კორონავირუსის გავრცელების პრევენციის მიზნით, სახის დამცავი ფარები გადასცეს.

თეთრიწყაროს მუნიციპალიტეტში სოფელ ჯორჯიაშვილის და ბოგვის წყალმომარაგების პროექტის განხორციელებისათვის მოსამზადებელი სამუშაოები დაიწყო. პროექტი ითვალისწინებს მდინარე ალგეთის წყლის რესურსის გამოყენებით, ორი სოფლის მოსახლეობის, ჯამში 1500-მდე ბენეფიციარის სასმელი წყლით უზრუნველყოფას.

ქვეყანაში მოქმედი საგანგებო მდგომარეობის მიუხედავად, თეთრიწყაროს მუნიციპალიტეტის სოფელ ვაშლოვანში მცხოვრები ახალგაზრდა ფერმერი, გოდერძი მაისურაძე, ჩვეულ რეჟიმში აგრძელებს სასოფლო-სამეურნეო საქმიანობას. ისევე როგორც სოფლის მოსახლეობის უდიდესი ნაწილი, ახალგაზრდა ფერმერიც აქტიურად არის ჩართული საოჯახო მეურნეობაში და ეწევა მწვანილის წარმოება-რეალიზაციას.

კორონავირუსით გამოწვეული პანდემიის მიუხედავად თეთრიწყაროს მუნიციპალიტეტში საგაზაფხულო სასოფლო-სამეურნეო სამუშაოები ჯანდაცვის სამინისტროს რეკომენდაციების სრული დაცვით, აქტიურად მიმდინარეობს. თეთრიწყაროს მუნიციპალიტეტის მერი გიორგი ქორიძე, მერის მოადგილე ბერდია ხვისტანი ნუშის მეურნეობის ხელმძღვანელთან, თორნიკე ლათათიასთან ერთად სამუშაო პროცესს გაეცნენ. 

COVID 19-ის გავრცელების პრევენციული ღონისძიებების ფარგლებში აქტიურად გრძელდება თეთრიწყაროს მუნიციპალიტეტში მცხოვრები ოჯახების დახმარება. ჰუმანიტარული აქციების ფარგლებში დახმარება უკვე გაეწია 1000-მდე შეჭირვებულ ოჯახს. 

COVID 19-ის გავრცელების პრევენციული ღონისძიებების ფარგლებში თეთრიწყაროს მუნიციპალიტეტში აქტიურად გრძელდება საინფორმაციო კამპანია.

COVID-19-ის გავრცელების პრევენციული ღონისძიებების ფარგლებში თეთრიწყაროს მუნიციპალიტეტში აქტიურად გრძელდება მრავალშვილიანი და სოციალურად დაუცველი ოჯახების დახმარება.

COVID 19-ის პრევენციული ღონისძიებების ფარგლებში ქალაქ თეთრიწყაროში აქტიურად მიმდინარეობს თერმოსკრინინგის მეორე ეტაპი.

თეთრიწყაროს მუნიციპალიტეტში შექმნილ ეპიდემიოლოგიურ ვითარებასთან დაკავშირებით, საქართველოს დაავადებათა კონტროლისა და საზოგადოებრივი ჯანმრთელობის ეროვნული ცენტრის (NCDC) გენერალურმა დირექტორმა ამირან გამყრელიძემ და ლუგარის კვლევითი ცენტრის ხელმძღვანელმა პაატა იმნაძემ, თეთრიწყაროს მაჟორიტარ დეპუტატთან გოდერძი ჩანქსელიანთან, ქვემო ქართლში სახელმწიფო რწმუნებულთან შოთა რეხვიაშვილითან და მუნიციპალიტეტის მერთან გიორგი ქორიძესთან ერთად გამართულ შეხვედრაზე, COVID19-ის წინააღმდეგ გასატარებელი ღონისძიებების სამოქმედო გეგმა განიხილეს, რომელიც ითვალისწინებს ცენტრალური სტრუქტურების მიერ, ადგილობრივი საზოგადოებრივი ჯანდაცვის ცენტრის დახმარებას, რათა სწრაფად და ეფექტურად გატარდეს პრევენციული ღონისძიებები და არ მოხდეს ვირუსის მასობრივი გავრცელება.

კორონავირუსის გავრცელების პრევენციული ღონისძიებების ფარგლებში 30 აპრილს ქალაქი თეთრიწყაროს ცენტრალური ქუჩების მასშტაბური სადეზინფექციო სამუშაოები განხორციელდეა. პროცესში აქტიურად მონაწილეობდნენ საგანგებო სიტუაციების მართვის სამსახურის სამაშველო ეკიპაჟები და დასუფთავების სამსახურის თანამშრომლები. სამუშაო პროცესს თეთრიწყაროს მუნიციპალიტეტის მერის მოადგილე ბერდია ხვისტანი ესწრებოდა.

თეთრიწყაროს მუნიციპალიტეტში 25 აპრილს, კორონავირუსის პირველი შემთხვევა დაფიქსირდა. ვირუსი დაუდგინდა რეგიონული ჯანდაცვის ცენტრის ექთანს, რომელიც გადაყვანილია ინფექციურ საავადმყოფოში. ეპიდემიოლოგების მიერ, დაუყონებლივ დაიწყო ადგილზე სიტუაციის შესწავლა და იმ კონტაქტების მოძიება და ტესტირება, რომლებიც კავშირში იყვნენ ინფიცირებულთან. ტესტირების შედეგად, დღეისათვის კორონავირუსის 19 შემთხვევაა დადასტურებული. იმისათვის რომ თავიდან იქნეს აცილებული ვირუსის ფართომასშტაბიანი გავრცელება, საპოლიციო და თავდაცვის დანაყოფების მიერ, ქალაქ თეთრიწყაროში ჩაიკეტა ყველა შესასვლელი და გამოსასვლელი. თეთრიწყაროს სამ სოფელში დაფიქსირდა ერთეული შემთხვევები თუმცა ჩაკეტვის აუცილებლობა ამ ეტაპზე არ არსებობს.

COVID 19-ის გავრცელების პრევენციის მიზნით, თეთრიწყაროს მუნიციპალიტეტის სოფელ კოდის სათემო განათლების ცენტრმა 2000 ერთეული ერთჯერადი გამოყენების პირბადე მუნიციპალიტეტის მერიას უსასყიდლოდ გადასცა.

ქრისტე აღდგა!

თეთრიწყაროს მუნიციპალიტეტში, ცენტრალური და ადგილობრივი ხელისუფლების საერთო ძალისხმევით, გრძელდება სოციალურად დაუცველი, შეჭირვებული ოჯახების დახმარება.